ព្រឹកថ្ងៃទី២៧ ខែកញ្ញា លោក ប៊ូយកុងបាំង ប្រធានគណនៃមន្ទីរវប្បធម៌សង្គមកិច្ច - ក្រុមប្រឹក្សាប្រជាជនខេត្ត ជាប្រធានគណៈប្រតិភូ បានអញ្ជើញទៅសួរសុខទុក្ខ និងប្រគេនពរបុណ្យសែនដូនតា របស់ជនរួមជាតិខ្មែរ ឆ្នាំ២០២៤ នៅវត្តសិរីមង្គលសាគរ នៅឃុំវិញថាញ់។ ចូលរួមក្នងគណៈប្រតិភូមានលោក ប៊ូយវ៉ាន់តាំង អនុប្រធានប្រចាំការគណៈកម្មាធិការរណសិរ្សមាតុភូមិវៀតណាមខេត្ត ថ្នាក់ដឹកនាំស្រុកចូវថាញ់និងថ្នាក់ដឹកនាំឃុំវិញថាញ់។
នៅកន្លែងអញ្ជើញទៅសួរសុខទុក្ខនីមួយៗ តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្ត លោក ប៊ូយកុងបាំង ប្រធានគណមន្ទីរវប្បធម៌សង្គម-ក្រុមប្រឹក្សាប្រជាជនខេត្ត បានផ្តល់ព័ត៌មានរហ័សអំពីការអនុវត្តសេចក្តីសម្រេចចិត្តសេដ្ឋកិច្ច - សង្គមរបស់ខេត្តក្នុងរយៈពេល ០៩ ខែដើមឆាំ្ន២០២៤។ ទទួលស្គាល់ការរួមចំណែករបស់ព្រះសង្ឃ អ្នកមុខអ្នកការ និងជនរួមជាតិខ្មែរ ក្នុងការអភិវឌ្ឍន៍ខេត្តទាំងមូល។ ទន្ទឹមនឹងនោះ ក៏គោរពជូនពរដល់ព្រះសង្ឃ ពុទ្ធសាសនិកជន និងបងប្អូនជនរួមជាតិខ្មែរនៅឃុំវិញថាញ់ សូមទទួលបាននូវភាពសប្បាយរីករាយ សុខសន្តិភាព និងសុភមង្គលក្នុងរដូវបុណ្យសែនដូនតា។
ព្រះតេជព្រះគុណ យ៉ាញ់ធីប ព្រះចៅអធិការវត្តសិរីមង្គលសាគរ ដែលបានសម្តែងនូវសេចក្តីរំភើបរីករាយចំពោះការយកចិត្តទុកដាក់ ថែទាំរបស់បក្ស រដ្ឋ និងថ្នាក់ដឹកនាំខេត្តអានយ៉ាង ចំពោះជនរួមជាតិខ្មែរនាពេលកន្លងទៅនេះ។ ទន្ទឹមនឹងនោះ បានមានប្រសាសន៍ថា នឹងបន្តប្រមូលផ្តុំពុទ្ធសាសនិកជន និងប្រជាជនចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ ដែលបំផុសដោយមូលដ្ឋាន។ បន្តពង្រឹងនិងពង្រីកសាមគ្គីភាពដ៏ធំធេងរបស់ប្រជាជាតិទាំងមូល រួមចំណែករក្សាសន្តិសុខ សណ្តាប់ធ្នាប់នៅលើភូមិសាស្ត្រ៕
ប្រែ៖ ណារីពៅ