នៅថ្ងៃទី ១០ ខែកញ្ញា គណៈអចិន្ត្រៃយ៍នៃ សមាគមនារីខេត្តអានយ៉ាង បានរៀបចំថ្នាក់ហ្វឹកហ្វឺនលើកកម្ពស់សមត្ថភាពកម្មាភិបាលនារីនៅតំបន់ជនជាតិភាគតិចនៅថ្នាក់ស្រុក និងឃុំ ក្រោមគម្រោងទី ៨ “អនុវត្តសមភាពភេទ និងដោះស្រាយបញ្ហាចាំបាច់ជាបន្ទាន់សម្រាប់នារីនិងកុមារ” (ហៅកាត់ថាគម្រោងទី៨) ឆ្នាំ២០២៤។ អញ្ជើញចូលរួមមានលោកស្រី ក្វាងឡេហុងជ្វៀន អនុប្រធានសមាគមនារីខេត្តអានយ៉ាង។
ទិដ្ឋភាពនៃថ្នាក់ហ្វឹកហ្វឺន
ថ្នាក់ហ្វឹកហ្វឺនមានសមមិត្តចំនួន ៥៤នាក់ ដែលជាប្រធាន អនុប្រធានសមាគមនារី និងកម្មាភិបាលទទួលបន្ទុកគម្រោងទី ៨ នៃស្រុក ទ្រីតូន អានភូ ថ្វយសឺន និងទីរួមខេត្តទិញបៀន។ អនុប្រធានគណៈកម្មាធិការប្រជាជន ប្រធាន និងអនុប្រធាន សមាគមនារីរបស់ឃុំ ទីរួមស្រុកទាំង ១៣ នៃភូមិសាស្ត្រផ្សព្វផ្សាយគម្រោងទី ៨។
លោកស្រី ក្វាងឡេហុងជ្វៀន អនុប្រធានសមាគមនារីខេត្ត ថ្លែងមតិបើកថ្នាក់ហ្វឹកហ្វឺន
ប្រតិភូចូលរួមថ្នាក់ហ្វឹកហ្វឺន
ចូលរួមថ្នាក់ហ្វឹកហ្វឺន សិក្ខាកាមបានលោកស្រី ក្វាងឡេហុងជ្វៀន អនុប្រធានសមាគមនារីខេត្ត ណែនាំខ្លឹមសារបណ្តាឯកទេសកម្ម៖ ដំណើរការនិងជំនាញធ្វើសេចក្តីសម្រេច រៀបចំអនុវត្តន៍សេចក្តីសម្រេចក្នុងសកម្មភាពដឹកនាំ គ្រប់គ្រងនិងជំនាញឃោសនា ចលនានៅថ្នាក់ស្រុក និងឃុំ។
តាមរយៈថ្នាក់ហ្វឹកហ្វឺននេះ គឺដើម្បីរួមចំណែកលើកកម្ពស់សមត្ថភាពសម្រាប់កម្មាភិបាលនារីនៅតំបន់ជនជាតិភាគតិច អនុវត្តចំណេះដឹង និងជំនាញមានប្រសិទ្ធភាព ដើម្បីបង្កើនការចូលរួម បញ្ចេញសំឡេង និងតួនាទីតំណាង ដឹកនាំ គ្រប់គ្រងរបស់កម្មាភិបាលនារីគ្រប់លំដាប់ថ្នាក់ក្នុងការបំពេញភារកិច្ចនយោបាយនៅមូលដ្ឋាន។ ជាពិសេស ចូលរួមដោះស្រាយបញ្ហាចាំបាច់សម្រាប់នារី លើកកម្ពស់សមភាពភេទ និងវឌ្ឍនភាពសង្គមដោយប្រសិទ្ធភាព៕
ប្រែ៖ ណារីពៅ
