នៅថ្ងៃទី ២៦ ខែកញ្ញា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានដឹកនាំគណៈប្រតិភូខេត្តអញ្ជើញទៅសួរសុខទុក្ខ ប្រគេនទេយ្យទាន និងប្រគេនពរដល់វត្តស្វាយសទំនើប និងវត្តភ្នំតាប៉ា (ស្រុកទ្រីតូន) ក្នុងឱកាសបុណ្យសែនដូនតារបស់ជនជាតិភាគតិចខ្មែរ។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាងប្រគេនផ្កា និងទេយ្យទានអបអរសាទរបុណ្យសែនដូនតា នៅវត្ត ស្វាយសទំនើប
តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្ត លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណកម្មាធិការប្រជាជនខេត្តអានយ៉ាង បានសួរសុខទុក្ខសុខភាពយ៉ាងរាក់ទាក់កក់ក្តៅ និងប្រគេនពរព្រះតេជ្ជព្រះគុណ ព្រះសង្ឃ តាអាចារ្យនិងជនរួមជាតិភាគតិចខ្មែរអំណរបុណ្យសែនដូនតារីករាយ កក់ក្តៅ សុភមង្គល និងសុវត្ថិភាព។ តាមរយៈនោះ កត់ត្រាទទួលស្គាល់ការរួមចំណែករបស់អ្នកមុខអ្នកការ អ្នកមានកិត្យានុភាពនិងជនរួមជាតិខ្មែរភាគតិចក្នុងកម្មវិធីកសាងនិងអិវឌ្ឍន៍មូលដ្ឋាន។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង សង្ឃឹមថា ព្រះចៅអធិការវត្ត ព្រះសង្ឃ តាអាចារ្យ និងជនរួមជាតិខ្មែរត្រូវបន្តពង្រីកស្មារតីសាមគ្គីភាព រក្សា និងពង្រីកតម្លៃអត្តសញ្ញាណវប្បធម៌របស់ជនជាតិ។ អមដំណើរជាមួយបក្ខភាគខេត្តគ្រប់លំដាប់ថ្នាក់ អាជ្ញាធរ រណសិរ្ស អង្គការមហាជនគ្រប់លំដាប់ថ្នាក់ ធ្វើល្អការងារឃោសនា ចលនាជនរួមជាតិភាគតិចខ្មែរឲ្យគោរពគោលការណ៍ គោលនយោបាយរបស់បក្សនិងរដ្ឋ។
ទន្ទឹមនិងនោះ ចូលរួមយ៉ាងសកម្មក្នុងការអនុវត្តចលនាប្រឡងប្រណាំងស្នេហាជាតិ បញ្ជេញកម្លាំងប្រឡងប្រណាំងពលកម្មផលិតកម្ម រួមកម្លាំងកសាងជនបទថ្មី ធ្វើល្អការងាររបបសន្តិសុខសង្គម រួមចំណែកជាមួយថ្នាក់ដឹកនាំខេត្ត និងអាជ្ញាធរមូលដ្ឋានអនុវត្តភារកិច្ចអភិវឌ្ឍន៍សេដ្ឋកិច្ច-សង្គមមានប្រសិទ្ធភាព រួមចំណែកកសាងមាតុភូមិអានយ៉ាង កាន់តែសម្បូរបែបស្រស់ស្អាត និងអារ្យធម៌៕
ប្រែ៖ ណារីពៅ
