នៅវេលាម៉ោង៦ល្ងាច ថ្ងៃទី៣ ខែសីហា មជ្ឈមណ្ឌលជំរុញពាណិជ្ជកម្ម និងវិនិយោគខេត្ត អានយ៉ាង បានសហការជាមួយគណៈកម្មាធិការប្រជាជនទីក្រុង ឡុងស្វៀន រៀបចំពិធីបុណ្យនំប្រពៃណីភាគខាងត្បូង - អានយ៉ាង ឆ្នាំ ២០២៤ រួមជាមួយនឹងផ្សារណាត់ជំរុញពាណិជ្ជកម្មទេសចរណ៍ពាណិជ្ជកម្ម-ផលិតផលOCOP នៅបូរី Golden City សង្កាត់មីហ្វា ទីក្រុងឡុងស្វៀន។
ទស្សនីយភាពសម្តែងស្គរ
សកម្មភាពដើម្បីអបអរសាទរខួបលើកទី ១៣៦ឆាំ្នថ្ងៃកំណើតរបស់លោកប្រធាន តូនឌឹកថាំង (ថ្ងៃទី ២០ ខែសីហា ឆ្នាំ ១៨៨៨ ដល់ថ្ងៃទី ២០ ខែសីហា ឆ្នាំ ២០២៤) ខួបលើកទី ៧៩ឆាំ្នទិវាបុណ្យជាតិនៃសាធារណរដ្ឋសង្គមនិយមវៀតណាម (ថ្ងៃទី ២ ខែកញ្ញា ឆ្នាំ ១៩៤៥-ថ្ងៃទី ២ ខែកញ្ញា ឆ្នាំ ២០២៤) និង ៥៤ឆាំ្នទិវាទេសចរណ៍ពិភពលោក (ថ្ងៃទី ២៧ ខែកញ្ញា ឆ្នាំ ១៩៧០-ថ្ងៃទី ២៧ ខែកញ្ញា ឆ្នាំ ២០២៤)។ ទន្ទឹមនឹងនោះ ឧទ្ទេសនាម និងផ្សព្វផ្សាយអំពីទេសចរណ៍ វប្បធម៌ និងមុខម្ហូបពិសេសរបស់តំបន់ដីអានយ៉ាង និយាយដោយឡែក ក៏ដូចជាតំបន់វាលទំនាបទន្លេគឺវឡុង និងទូទាំងប្រទេស និយាយរួម បង្កើតជាកន្លែងលេងកំសាន្ត ដើម្បីបម្រើប្រជាប្រជាជននៅក្នុងនិងក្រៅខេត្តដែលមក អានយ៉ាង។
អញ្ជើញចូលរួមពិធីបើកមហោស្រពមានលោក ង្វៀនទៀកហុង សមាជិកគណៈអចិន្ត្រៃយ៍បក្ខភាគខេត្ត។ លោកស្រី ដាំងធីហ្វារ៉ី សមាជិកាគណៈអចិន្ត្រៃយ៍បក្ខភាគខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្ត។ លោកស្រី ង្វៀនធីមិញធ្វី សមាជិកាបក្ខភាគខេត្ត ប្រធានគណៈកម្មាធិការប្រជាជនខេត្ត រួមនឹងសមមិត្តដែលជាតំណាងថ្នាក់ដឹកនាំមន្ទីរ គណៈ ផ្នែក និងមូលដ្ឋានក្នុង និងក្រៅខេត្ត។
ដោយប្រធានបទ “រស់ជាតិអានយ៉ាង” មហោស្រពនំប្រពៃណីភាគខាងត្បូង - អានយ៉ាងក្នុងឆ្នាំ ២០២៤ រួមបញ្ចូលជាមួយផ្សារណាត់ជំរុញទេសចរណ៍ ពាណិជ្ជកម្ម នូវពិព័រណ៍មួយដើម្បីផ្សព្វផ្សាយទេសចរណ៍ - ផលិតផល OCOP មានទ្រង់ទ្រាយស្តង់ទំនិញជិត ៤០០ ដាក់តាំង និងបង្ហាញពីរូបមន្តធ្វើនំប្រពៃណីរបស់ខេត្តអានយ៉ាង និងខេត្ត ក្រុងនានា រួមនឹងផលិតផល OCOP ផលិតផលពិសេស រូបភាព និងផលិតផលទេសចរណ៍នៃតំបន់ទូទាំងប្រទេសរួមមាន៖ ថៃង្វៀន ឡាវកៃ សឺនឡា គ្វាងទ្រី ភូអៀន យ៉ាឡៃ ដាក់ណុង ប៊ិញយឿង ទីក្រុងហូជីមិញ តៃនិញ គន្ឋឺ សុកត្រាំង បេនទ្រែ ឡុងអាន ទៀនយ៉ាង ហូវយ៉ាង ត្រាវិញ វិញឡុង គៀនយ៉ាងជាដើម រួមនិងស្រុក ទីរួមខេត្ត ក្រុងលើភូមិសាស្ត្រខេត្តអានយ៉ាង។
លោក ឡេ ទ្រុងហៀវ ប្រធានមជ្ឈមណ្ឌលជំរុញពាណិជ្ជកម្ម និងវិនិយោគខេត្តអានយ៉ាង - ប្រធានគណៈកម្មការរៀបចំ ថ្លែងសុន្ទរកថាបើកមហោស្រព
ថ្លែងមតិក្នុងពិធីបើកមហោស្រព លោក ឡេទ្រុងហៀវ បានមានប្រសាសន៍ថា មហោស្រពក៏ជាឱកាសមួយសម្រាប់យើងទាំងអស់គ្នាក្រឡេកមើលឡើងវិញ និងរក្សានូវតម្លៃប្រពៃណីដ៏ថ្លៃថ្លាដែលបុព្វបុរសយើងបានបន្សល់ទុក។ លើសពីនេះទៀត ផ្សារណាត់ជំរុញទេសចរណ៍ ពាណិជ្ជកម្ម និងផលិតផល OCOP លើកនេះគឺជាការបន្លិចដ៏សំខាន់មួយ បង្កើតលក្ខខណ្ឌសម្រាប់ធុរកិច្ចក្នុង និងអ្នកផលិតកម្មក្នុងស្រុកផ្សព្វផ្សាយផលិតផល តភ្ជាប់អាជីវកម្ម និងបើកទូលាយទីផ្សារ។
ប្រតិភូប្រារពពិធីបើកមហោស្រព
ព្រឹត្តិការណ៍នេះប្រព្រឹត្តទៅចាប់ពីថ្ងៃទី ៣ ដល់ថ្ងៃទី ១១ ខែសីហា ឆ្នាំ ២០២៤ នៅបូរី Golden City សង្កាត់មីហ្វា ទិក្រុងឡុងស្វៀន។ បើកទ្វាជាសាធារណៈ មិនលក់សំបុត្រចាប់ពីម៉ោង ០៨ ព្រឹកដល់ម៉ោង ១០យប់ រួមមានកម្មវិធីសិល្បៈបម្រើភ្ញៀវចាប់ពីម៉ោង ៨ យប់ ជារៀងរាល់ថ្ងៃនៅលើឆាកធំ រួមជាមួយនឹងកម្មវិធីសម្តែងវប្បធម៌ សិល្បះប្លែកៗជាច្រើនទៀតនៅក្នុងព្រឹត្តិការណ៍។ ក្រៅពីនេះ បណ្តាសិប្បវិទូរ និងអង្គភាពចូលរួមក្នុងមហោស្រពនឹងបង្ហាញពីការកែច្នៃ និងចែកនំប្រពៃណីជូនភ្ញៀវទស្សនាដោយឥតគិតថ្លៃនៅចាប់ពីថ្ងៃទី ៤ ដល់ថ្ងៃទី ៦ ខែសីហា ឆ្នាំ ២០២៤ នៅផ្ទះរួមរបស់ព្រឹត្តិការណ៍ ដូចជា នំបាញ់ឌុកហ្វាងភុក ចាហួយ នំអំបែងនិងនំគ្រក់៕
ប្រែ៖ ណារីពៅ
