ព្រឹកថ្ងៃទី ២៣ សីហា គណៈគ្រប់គ្រងគម្រោងវិនិយោគសំណង់គមនាគមន៍ដឹកជញ្ជូន និងកសិកម្មខេត្តអានយ៉ាង បានសហការជាមួយគណៈកម្មាធិការប្រជាជនស្រុក ថ្វយសឺន រៀបចំពិធីរម្លឹកខួបលើកទី ១៣៦ ឆាំ្នថ្ងៃកំណើតលោកប្រធាន តូនឌឹកថាំង (ថ្ងៃទី ២០ សីហា ឆ្នាំ ១៨៨៨ - ថ្ងៃទី ២០ ខែសីហា ឆ្នាំ ២០២៤)។ ៤៥ ឆ្នាំថ្ងៃបង្កើតស្រុក ថ្វយសឺន (ថ្ងៃទី ២៣ ខែសីហា ឆ្នាំ ១៩៧៩ - ថ្ងៃទី ២៣ ខែសីហា ឆ្នាំ ២០២៤)។ ៧៩ ឆាំ្នបដិវត្តន៍ខែសីហាជោគជ័យ (១៩ សីហា ១៩៤៥ - ១៩ សីហា ២០២៤) និងទិវាជាតិទី ២ ខែកញ្ញា (២ កញ្ញា ១៩៤៥ - ២ កញ្ញា ២០២៤) ជាមួយនឹងសំណង់៖ លើកកម្ពស់ ពង្រីកផ្លូវទៅកាន់អ៊ុកអែវ-បាថេ ស្ថិតនៅផ្លូវខេត្តលេខ ៩៤៣ (ផ្នែកពីស្ពាន ថ្វយយ៉ាង ដល់ស្ពាន មឿពវ៉ាន់ ស្រុក ថ្វយសឺន ខេត្តអានយ៉ាង)។
ប្រតិភូចូលរួមពិធី
សំណង់លើកកម្ពស់ និងពង្រីកផ្លូវទៅកាន់រមណីយដ្ឋានពិសេសអ៊ុកអែវ-បាថេនៅលើផ្លូវខេត្តលេខ៩៤៣ (ផ្នែកពីស្ពានថ្វយយ៉ាងដល់ស្ពានមឿពវ៉ាន់)
លោកស្រី ត្រាន់ ធី ថាញ ហឿង សមាជិកាគណៈអចិន្ត្រៃយ៍បក្ខភាគខេត្ត ប្រធានគណឃោសនាអប់រំបក្ខភាគខេត្ត ប្រធានគណៈប្រតិភូរដ្ឋសភាខេត្តអានយ៉ាងនិង ថ្នាក់ដឹកនាំមន្ទីរ ផ្នែកខេត្ត និងស្រុក ថ្វយសឺន បានអញ្ជើញចូលរួម។
យោងតាមគណៈគ្រប់គ្រងគម្រោងវិនិយោគសាងសង់សំណង់គមនាគមន៍ដឹកជញ្ជូននិងកសិកម្មខេត្តអានយ៉ាង បានឲ្យដឹងថា សំណង់លើកកម្ពស់ បើកទូលាយផ្លូវទៅកាន់រមណីយដ្ឋានពិសេសអ៊ុកអែវ-បាថេ នៅលើផ្លូវខេត្តលេខ ៩៤៣ មានប្រវែងសរុប ១៤, ៧៦៨ គីឡូម៉ែត្រ។ ចំណុចចាប់ផ្តើមពីស្ពានថ្វយយ៉ាង។ ចំណុចបញ្ចប់នៅស្ពាន មឿពវ៉ាន់។ ទទឹងផ្លូវ៖ ៩ម (ទទឹងផ្ទៃផ្លូវ ៨ម ចិញ្ចើមផ្លូវ ០,៥ម x សងខាង ២ម = ១ម)។ ផ្នែកផ្លូវឆ្លងកាត់ទីរួមស្រុកអ៊ុកអែវ មានទទឹងផ្លូវ ១០ម (ផ្ទៃផ្លូវទទឹង ៩ម ចិញ្ចើមផ្លូវ ០,៥ម x សងខាង ២ម = ១ម)។ សំណង់បានវិនិយោគលើសំណង់តូចៗដូចជាប្រព័ន្ឋលូបង្ហូរទឹក និងសុវត្ថិភាពចរាចរណ៍ស្របតាមបទប្បញ្ញត្តិ។
ការវិនិយោគសំណង់ជាសរុបចំនួន ១០៤ ពាន់លានដុងពីថវិការបស់ខេត្តអានយ៉ាង។ គណគ្រប់គ្រងវិនិយោគសំណង់គមនាគមន៍ដឹកជញ្ជូន និងកសិកម្មខេត្តអានយ៉ាង ជាម្ចាស់វិនិយោគនិង ប្រតិបត្តិគម្រោងនេះ។ សំណង់នេះបានចាប់ផ្តើមសាងសង់នៅថ្ងៃទី ១៤ ខែវិច្ឆិកា ឆ្នាំ ២០២៣ និងបញ្ចប់នៅថ្ងៃទី ២០ ខែសីហា ឆ្នាំ ២០២៤។
ផ្លូវខេត្តលេខ ៩៤៣គឺជាផ្លូវមួយក្នុងចំណោមផ្លូវចរាចរណ៍ដែលមានតួនាទីយ៉ាងសំខាន់ក្នុងការអភិវឌ្ឍន៍សេដ្ឋកិច្ច-សង្គមរបស់ស្រុក ថ្វយសឺន និងតំបន់ចតុកោណឡុងស្វៀន (អានយ៉ាង - គៀនយ៉ាង និងគន្ឋ)។នេះជាផ្លូវចរាចរណ៍ដ៏សំខាន់មួយដែលតភ្ជាប់ជង្រុកស្រូវ ថ្វយសឺន ជាមួយនឹងស្រុកភ្នំពីរ ទ្រីតូន និងទិញបៀន គឺជាផ្លូវតភ្ជាប់ដ៏ខ្លីបំផុតពី ថ្វយសឺន ទៅព្រំដែន៕
ប្រែ៖ ណារីពៅ
