ព្រឹកថ្ងៃទី ២៧ កញ្ញា មន្ទីរឧស្សាហពាណិជ្ជកម្មខេត្តអានយ៉ាង បានជួបពិភាក្សាការងារជាមួយមន្ទីរឧស្សាហពាណិជ្ជកម្មខេត្តហាយ៉ាង ស្ដីពីការតភ្ជាប់ពាណិជ្ជកម្ម និងពង្រីកទីផ្សារលក់ចេញផលិតផលរវាងខេត្តទាំងពីរ។
លោក ត្រាន់វៀតថេ អនុប្រធានមន្ទីរឧស្សាហពាណិជ្ជកម្មខេត្តហាយ៉ាង ថ្លែងមតិក្នុងកិច្ចប្រជុំតភ្ជាប់
គណៈប្រតិភូមន្ទីរឧស្សាហពាណិជ្ជកម្មខេត្តហាយ៉ាង ដឹកនាំដោយលោក ត្រាន់វៀតថេ អនុប្រធានមន្ទីរឧស្សាហពាណិជ្ជកម្មខេត្តហាយ៉ាង និងលោកស្រី ឡេធីធូហាំង ប្រធានមជ្ឈមណ្ឌលជំរុញឧស្សាហកម្ម និងពាណិជ្ជកម្មខេត្តហាយ៉ាង រួមជាមួយមូលដ្ឋាន ធុរកិច្ច និងសហករណ៍។ លោក ង្វៀនថាញ់ហ្វួន អនុប្រធានមន្ទីរឧស្សាហពាណិជ្ជកម្មខេត្តអានយ៉ាង លោកស្រី ត្រាន់ង៉ុកយីវ ប្រធានមជ្ឈមណ្ឌលជំរុញឧស្សាហកម្មនិងប្រឹក្សាអភិវឌ្ឍន៍ឧស្សាហកម្មអានយ៉ាង រួមជាមួយធុរកិច្ច និងអ្នកចែកចាយបានទទួលគណៈប្រតិភូ។
លោក អ្វៀនថាញ់ហ្វួន អនុប្រធានម្ទីរឧស្សាហពាណិជ្ជកម្មខេត្តអានយ៉ាង បានសង្ខេបអំពីសក្ដានុពល និងប្រៀបខ្លាំងរបស់មូលដ្ឋាន
អ្នកចែកចាយ និងធុរកិច្ចអានយ៉ាងថ្លែងមតិនៅក្នុងកិច្ចប្រជុំតភ្ជាប់
នៅក្នុងកិច្ចជួបពិភាក្សា តំណាងមន្ទីរឧស្សាហពាណិជ្ជកម្មអានយ៉ាង និងហាយ៉ាង បានឧទ្ទេសនាមអំពីសក្ដានុពល និងប្រៀបខ្លាំងខាងពាណិជ្ជកម្ម និងព័ត៌មានអំពីផលិតផលកសិកម្មពិសេសរបស់មូលដ្ឋាន។ ក្នុងនោះ មានមុខម្ហូបពិសេសល្បីៗដូចជា៖ តែ Shan Tuyet ទឹកឃ្មុំជីអង្កាម Meo Vac Ha Giang Thang Co Ha Giang សាច់គោលឿង ស្រាពោត មាន់ខ្មៅនិងជ្រូកខ្មៅហាយ៉ាង។ ធុរកិច្ចខេត្តហាយ៉ាង សង្ឃឹមថា តាមរយៈប្រព័ន្ធចែកចាយធំៗដូចជា HD Group និង Antesco ផលិតផលនេះនឹងពង្រីកទីផ្សារនៅអានយ៉ាងបាន។
មន្ទីរឧស្សាហពាណិជ្ជកម្មនៃខេត្តទាំងពីរបានចុះហត្ថលេខាលើអនុស្សរណៈនៃកិច្ចសហប្រតិបត្តិការបង្កើនសកម្មភាពជំរុញពាណិជ្ជកម្មរវាងមូលដ្ឋានទាំងពីរ
បញ្ចប់កិច្ចប្រជុំ មន្ទីរឧស្សាហពាណិជ្ជកម្មនៃខេត្តទាំងពីរបានចុះហត្ថលេខាលើអនុស្សរណៈសហប្រតិបត្តិការនិងបង្កើនសកម្មភាពជំរុញពាណិជ្ជកម្មរវាងមូលដ្ឋានទាំងពីរ។ បណ្តាធុរកិច្ចនៃខេត្តទាំងពីរ ក៏បាន ចុះហត្ថលេខាលើអនុស្សរណៈយោគយល់គ្នាជាច្រើនស្តីពីកិច្ចសហប្រតិបត្តិការក្នុងការផ្គត់ផ្គង់ និងលក់ចេញផលិតផលរបស់ខេត្តទាំងពីរ។
ធុរកិច្ចនៃខេត្តទាំងពីរបានចុះហត្ថលេខាលើអនុស្សរណៈសហការផ្គត់ផ្គង់ និងលក់ចេញផលិតផល
ក៏នៅក្នុងកិច្ចប្រជុំផងដែរ ធុរកិច្ចបានដាក់តាំងបង្ហាញ និងណែនាំផលិតផល ពិសេសនិងមានប្រៀបខ្លាំងរបស់ខេត្តយើង ហើយផ្លាស់ប្តូរតភ្ជាប់ដោយផ្ទាល់រវាងប្រព័ន្ធចែកចាយ ជាមួយធុរកិច្ចផលិតកម្ម និងផ្គត់ផ្គង់។
រសៀលថ្ងៃដដែល គណៈប្រតិភូនៃមន្ទីរឧស្សាហពាណិជ្ជកម្ម និងធុរកិច្ចខេត្តហាយ៉ាង បានទៅត្រួតពិនិត្យជាក់ស្តែងនៅផ្សារ ផ្សារទំនើបមួយចំនួននៅលើភូមិសាស្ត្រខេត្តអានយ៉ាង។
គណៈប្រតិភូទស្សនាផលិតផលពិសេស និង OCOP របស់ខេត្តហាយ៉ាង
ប្រែ៖ណារីពៅ
