ថ្ងៃទី ២០ ខែកញ្ញា មន្ទីរឧស្សាហពាណិជ្ជកម្មខេត្តអាយ៉ាង បានសហការជាមួយនាយកដ្ឋានពន្ធដារខេត្តអានយ៉ាង សាខាធនាគាររដ្ឋអានយ៉ាង និងសមាគមធុរកិច្ចខេត្តអានយ៉ាង រៀបចំវគ្គបណ្តុះបណ្តាលឃោសនា ផ្សព្វផ្សាយគោលនយោបាយពន្ធដារសម្រាប់សកម្មភាពអាជីវកម្មលើវេទិកាពាណិជ្ជកម្មអេឡិចត្រូនិក។វេទិកានិងបទប្បញ្ញត្តិស្តីពីការផ្ទៀងផ្ទាត់ជីវមាត្រក្នុងការទូទាត់ពាណិជ្ជកម្មអេឡិចត្រូនិក។
ប្រតិភូចូលរួមវគ្គបណ្តុះបណ្តាល
លោក ហ្វិញង៉ុកហូ អនុប្រធានមន្ទីរឧស្សាហពាណិជ្ជកម្មខេត្តអានយ៉ាង។ លោក វ៉ហ្វ័ងកុង អនុប្រធានសមាគមធុរកិច្ចខេត្តអនាយ៉ាង។លោកស្រី វ៉ធីលៀន ប្រធានសមាគមការពារផលប្រយោជន៍អ្នកប្រើប្រាស់ខេត្តអានយ៉ាង។លោក ត្រាន់ត្រុងទ្រៀក ប្រធានការិយាល័យចម្រុះ និងគណនេយ្យធនាគាររដ្ឋសាខាខេត្តអានយ៉ាង។ លោក ត្រាន់វ៉ាន់យ៉ាង អនុប្រធានការិយាល័យឃោសនា និងគាំទ្រ នាយកដ្ឋានពន្ធដារខេត្តអានយ៉ាងបានអញ្ជើញចូលរួម។
លោក ត្រាន់ត្រុងទ្រៀក ប្រធានការិយាល័យចម្រុះ និងគណនេយ្យធនាគាររដ្ឋសាខាខេត្តអានយ៉ាង រាយការណ៍អំពីប្រធានបទនៅថ្នាក់បណ្តុះបណ្តាល
ប្រតិភូជាង ២០០ នាក់បានស្តាប់គ្រូឧទ្ទេសផ្សព្វផ្សាយខ្លឹមសារទាក់ទងនឹងកាតព្វកិច្ចពន្ធដាសម្រាប់អ្នកលក់ទំនិញលើវេទិកាពាណិជ្ជកម្មអេឡិចត្រូនិក (វេទិកាអេឡិចត្រូនិក websites លក់ទំនិញ Facebook Livestream Tik Tok….)។ ទន្ទឹមនឹងនេះ ការណែនាំអំពីវិធីគណនាពន្ធដែលត្រូវបង់នៅពេលធ្វើអាជីវកម្មតាមរយៈពាណិជ្ជកម្មអេឡិចត្រូនិក និងបណ្តាបទប្បញ្ញត្តិស្តីពីសន្តិសុខ សុវត្ថិភាពព័ត៌មានសម្រាប់ប្រតិបត្តិការទូទាត់តាមអនឡាញដោយប្រើការផ្ទៀងផ្ទាត់ជីវមាត្រ។
អានយ៉ាងមានប្រជាជនជាង ១,៩ លាននាក់ដែលមានគណនីនៅក្នុងស្ថាប័នឥណទាន។ អង្គភាពផ្តល់សេវាទូទាត់ប្រាក់ជាង ៦២។ ម៉ាស៊ីនហូតប្រាក់ដោយស្វ័យប្រវត្តិជាង ២៨០និងចំណុចទទួលយកការទូទាត់កាត ១.២០០កន្លែង។ យោងតាមសេចក្តីសម្រេចរបស់ធនាគាររដ្ឋ ចាប់ពីថ្ងៃទី ០១ ខែកក្កដា ឆ្នាំ ២០២៤រាល់ប្រតិបត្តិការដែលមានទឹកប្រាក់លើសពី ១០ លានដុង/ដង ត្រូវតែផ្ទៀងផ្ទាត់ដោយជីវមាត្រ ដើម្បីបង្កើនសុវត្ថិភាពសម្រាប់អតិថិជន និងជួយកាត់បន្ថយស្ថានភាពបោកបញ្ឆោត។
“តាមរយៈឃោសនាជួយឲ្យជួរកម្មាភិបាលជំនាញគ្រប់គ្រងរដ្ឋ មានព័ត៌មានបន្ថែម ដើម្បីអនុវត្តទៅក្នុងការងារគ្រប់គ្រង និងការគាំទ្រធុរកិច្ច។ ទន្ទឹមនឹងនោះ ជួយឲ្យធុរកិច្ច ផលិតកម្ម និងមូលដ្ឋានផលិតអាជីវកម្ម និងបុគ្គលទាំងឡាយក្តាប់បានរឹងមាំ និងអនុលោមតាមបទប្បញ្ញត្តិច្បាប់ក្នុងសកម្មភាពអាជីវកម្មលើវេទិកាពាណិជ្ជកម្មអេឡិចត្រូនិក ហើយត្រូវប្រុងប្រយ័ត្នចំពោះហានិភ័យនៅពេលប្រើប្រាស់ជីវមាត្រក្នុងការទូទាត់អេឡិចត្រូនិក” - លោក ហ្វិញង៉ុកហូ អនុប្រធានមន្ទីរឧស្សាហពាណិជ្ជកម្មអានយ៉ាងសង្កត់ធងន់”៕
ប្រែ៖ ណារីពៅ
