ជាមួយនឹងសេចក្តីសម្រេច ៧៥០/QD-TTg របស់នាយករដ្ឋមន្ត្រីរដ្ឋាភិបាល ថ្វយសឺន បានក្លាយជាស្រុកជនបទថ្មី ដំបូងគេក្នុងខេត្ត។ នេះគឺជា “ផ្លែផ្អែម” បន្ទាប់ពីជាងដប់ឆ្នាំតស៊ូ និងជំនះការលំបាក ជាមូលដ្ឋាន និងកម្លាំងចិត្តសម្រាប់ខេត្ត អានយ៉ាង ឆ្ពោះទៅដល់គោលដៅកសាងជនបទថ្មីក្លាយជា “តំបន់ស្រុកស្រែគួរឲ្យចង់រស់នៅ” ជាកន្លែងគួរឲ្យត្រលប់ទៅ និងទាក់ទាញភ្ញៀវទេសចរ។
អាវថ្មីនៅទឹកដីអ៊ុងថ្វយ
នៅឆ្នាំ ២០១៨ ថ្វយសឺន មានកិត្តិយសក្លាយជាស្រុកជនបទថ្មីដំបូងគេក្នុងខេត្ត លើសពីផែនទីបង្ហាញផ្លូវមួយឆាំ្នបើធៀបនឹងផែនការ។ មិនឈប់ឈរជាមួយនឹងសមិទ្ធផលសម្រេចបាន បក្ខភាគ អាជ្ញាធរ និងប្រជាជនតំបន់ដែនដីអ៊ុងថ្វយ បន្តខិតខំប្រឹងប្រែង និងខិតខំសម្រេចបាននូវលក្ខណៈវិនិច្ឆ័យស្រុកជនបទថ្មីលើកកម្ពស់។ “ផ្លែផ្អែម” សម្រាប់ការខិតខំប្រឹងប្រែងនោះគឺ រហូតមកដល់ពេលនេះ ឃុំទាំង ១៤/១៤ នៃស្រុកសម្រេចបានឃុំជនបទថ្មី ជឿនលឿនលើកកម្ពស់ ក្នុងនោះមានឃុំជនបទថ្មីគំរូចំនួន ២ (ឃុំឌិញថាញ់ គំរូក្នុងវិស័យរៀបចំផលិតកម្ម ឃុំវិញត្រាច់គំរូក្នុងវិស័យអប់រំ)។ ទីរួមស្រុកចំនួន ៣ សម្រេចបានទីក្រុងអារ្យធម៍។ នេះគឺជាមូលដ្ឋានសម្រាប់លោក ត្រាន់ លូវក្វាង ឧបនាយករដ្ឋមន្ត្រីរដ្ឋាភិបាល ចុះហត្ថលេខាលើសេចក្តីសម្រេចលេខ ៧៥០/QD-TTg ចុះថ្ងៃទី ១ ខែសីហា ឆ្នាំ ២០២៤ ដោយទទួលស្គាល់ស្រុកថ្វយសឺន សម្រេចបាននិយាម ស្រុក ជនបទថ្មី លើកកម្ពស់ឆ្នាំ ២០២៣។
សមិទ្ធផលស្រុកជនបទថ្មីលើកកម្ពស់ របស់ថ្វយសឺន គឺសក្តិសមទាំងស្រុង។ ពីកណ្តាលទីក្រុងឡុងស្វៀន ទៅស្រុក ថ្វយសឺន តាមផ្លូវខេត្តលេខ ៩៤៣ អ្នកណាក៏ចូលចិត្តនៅពេលធ្វើដំណើរលើផ្លូវខេត្តដែលបានគេឲ្យឈ្មោះថា “ស្អាតបំផុតនៅអានយ៉ាង” នាពេលបច្ចុប្បន្ននេះ ជាមួយនឹងដើមផ្កាត្របែកព្រៃនិងដើមផ្កាមហាហង្សនៅសងខាងផ្លូវ។សម្រាប់ផ្លូវឃុំជិត ៤៣គីឡូម៉ែត្រ ដែលបានពង្រឹងរឹងមាំ១០០% តាំងពីឆ្នាំ ២០១៨ មកដល់ពេលនេះ បានវិនិយោគសាងសង់ ធានាសុវត្ថិភាពសំណង់ចរាចរណ៍ ដាំដើមឈើ បង្កើតម្លប់។
ជាមួយនឹងផ្លូវភូមិ និងផ្លូវអន្តរភូមិចំនួន៣១ខ្សែ មានប្រវែង១១៨,៨៣គីឡូម៉ែត្រ បានក្រាលកៅស៊ូ ឬបេតុងតាមស្តង់ដារទាំង១០០% កើនឡើង៤០,០៣គ.ម ធៀបនឹងឆ្នាំ ២០១៨។ ស្រដៀងគ្នានេះដែរ ផ្លូវក្នុងភូមិចំនួន២១ខ្សែ មានប្រវែង ១៩,៤គ.ម ក៏បានវិនិយោគពង្រឹង ធានាថាភ្លឺ-បៃតង-ជ្រះ-ស្អាត។ ក្នុងចំណោម ៣១.៧៦៦ គ្រួសារនៅលើភូមិសាស្ត្រ ១៤ ឃុំជនបទថ្មីលើកកម្ពស់ មាន ២៧.៩០៩គ្រួសារ មានផ្ទះស្នាក់នៅរឹងមាំ ឬពាក់កណ្តាលរឹងមាំ ស្មើ ៨៧,៨៦%។
បានគេស្គាល់ថាជា “ជង្រុកស្រូវ” របស់ខេត្ត រួមនឹងការតម្រង់ទិសអភិវឌ្ឍន៍តំបន់វត្ថុធាតុដើមស្រូវគុណភាពខ្ពស់ កំណើនបៃតង និងការបំភាយឧស្ម័នទាប ថ្វយសឺន ថែមទាំងលើកទឹកចិត្តបំបែដំណាំដាំដុះ សត្វចិញ្ចឹមសមស្របផងដែរ។ អភិវឌ្ឍន៍បណ្តាផ្នែករបរឧស្សាហកម្មសិប្បកម្ម ពាណិជ្ជកម្ម សេវាកម្ម និងទេសចរណ៍។ តាមរយៈនោះ បង្កើនតម្លៃដីផលិតកម្មកសិកម្ម ជាមធ្យម ២១៥លានដុង/ហិកតា។ បង្កើនប្រាក់ចំណូលជាមធ្យមសម្រាប់មនុស្សម្នាក់នៅតំបន់ជនបទ ៧៣,៥លានដុង/ម្នាក់/ឆ្នាំ កាត់បន្ថយអត្រាគ្រួសារក្រីក្រមកត្រឹម ១,៣២%។ ស្រុកទាក់ទាញបានធុរកិច្ចធំៗមកវិនិយោគផលិតកម្ម ដោះស្រាយការធ្វើឲ្យពលករនៅមូលដ្ឋានប្រមាណ ១០ពាន់នាក់។
ធ្វើឲ្យតំបន់លំបាកងើបឡើងវិញ
បើប្រៀបធៀបទៅនឹងមូលដ្ឋានផ្សេងទៀតក្នុងខេត្ត ការធ្វើដំណើរកសាងជនបទថ្មីរបស់ស្រុក ទ្រីតូន មានការលំបាកជាង ដោយចាប់ផ្តើមពីចំណុចទាប និងស្ថានភាពសេដ្ឋកិច្ចសង្គមនូវជួបការលំបាកច្រើន។ ទោះជាយ៉ាងណាក៏ដោយ ក៏ចាត់ទុកនេះជាឱកាសមួយដើម្បីជំរុញការអភិវឌ្ឍន៍ ជាពិសេសសម្រាប់តំបន់ដាច់ស្រយាល តំបន់ជនជាតិភាគតិច តំបន់ព្រំដែន និងស្រុកនានាខិតខំកសាងជនបទថ្មីដោយមានការប្តេជ្ញាចិត្តខ្ពស់បំផុត។ រហូតមកដល់បច្ចុប្បន្ន មានឃុំចំនួន ៦/១២ នៃស្រុកទ្រីតូន បានទទួលស្គាល់ជាឃុំជនបទថ្មី (មានឃុំជនបទថ្មីលើកកម្ពស់ចំនួន ២)។
ថ្មីៗនេះ ក្រុមការងារនៃគណៈសេដ្ឋកិច្ចមជ្ឈិមបានអញ្ជើញទៅពិនិត្យជាក់ស្តែងគ្រួសារជនជាតិដើមភាគតិចខ្មែរនៅលើភូមិសាស្ត្រឃុំនុយតូ (ស្រុក ទ្រីតូន)។ គណៈប្រតិភូមានការចាប់អារម្មណ៍ចំពោះការផ្លាស់ប្តូរដ៏ធំនៅក្នុងភូមិស្រុក។ ជំនួសឲ្យផ្លូវ “ក្តៅហុយភ្លៀងភក់ជ្រាំ” មុននេះ គឺជាផ្លូវបេតុងជ្រះស្អាត ត្រជាក់ត្រជំមានភ្លើងអុជបំភ្លឺនៅពេលយប់ ជំនួសឲ្យផ្ទះដួលរលំទៅជាផ្ទះរឹងមាំជាបណ្តើរៗ។
ក្រុមការងារគណៈសេដ្ឋកិច្ចមជ្ឈិមបានអញ្ជើញទៅពិនិត្យស្ថានភាពផលិតកម្មរបស់បងប្អូនខ្មែរនៅស្រុកទ្រីតូន
“គ្រួសារខ្ញុំជាកម្មករស៊ីឈ្នួលគេ គ្មានដីផលិត បានរដ្ឋឧបត្ថម្ភសង់ផ្ទះមួយខ្នងរឹងមាំ ការពារកំដៅថ្ងៃ និងភ្លៀង ហើយថែមទាំងបានឧបត្ថម្ភគោពូជមួយគូទៀត ពួកខ្ញុំសប្បាយចិត្តណាស់។ ជារៀងរាល់ថ្ងៃ ក្រៅម៉ោងធ្វើការស៊ីឈ្នួលគេ ខ្ញុំឆ្លៀតឱកាច្រូតស្មៅឲ្យគោស៊ី រកកម្លាំងរកប្រាក់ចំណេញ” - អ្នកមីង នាង សារុំ ជាគ្រួសារខ្មែរនៅភូមិ តូធ្វឺន (ឃុំនុយតូ) និយាយដោយរំភើប។
លោក ដោ មិញទ្រី អនុប្រធានគណៈកម្មាធិការប្រជាជនស្រុក ទ្រីតូន បានឲ្យដឹងថា នុយតូជាឃុំមួយដែលមានជនជាតិភាគតិចខ្មែររស់នៅយ៉ាងច្រើន ស្ថានភាពសេដ្ឋកិច្ចសង្គមលំបាកខ្លាំង។ ស្រុកបានដាក់គោលដៅកសាង នុយតូ សម្រេចបាននិយាមឃុំជនបទថ្មី នៅឆ្នាំ ២០២៥ បង្កើតជាកម្លាំងកសាងជនបទថ្មីនៅតាមឃុំជនជាតិដទៃទៀត។“កម្មវិធីជនបទថ្មី និងតាមណុង បង្កើតសន្ទុះអភិវឌ្ឍន៍ដ៏ធំសម្រាប់ស្រុក។ ពីប្រភពទុនថវិការដ្ឋ និងសង្គមូបនីយកម្ម មុខមាត់ជនបទកាន់តែផ្លាស់ប្តូរពីមួយថ្ងៃទៅមួយថ្ងៃក្នុងទិសវិជ្ជមាន។ ទាក់ទាញធុរកិច្ចធំៗជាច្រើនមកវិនិយោគ បង្កើតការងារធ្វើ និងទាញយកផលពីប្រៀបខ្លាំងរបស់ស្រុក។ ជីវភាពប្រជាជនបានលើកកម្ពស់” - លោក ដោ មិញទ្រី បានវាយតម្លៃ។
បង្កើតជំហរ និងកម្លាំងថ្មី
អានយ៉ាង ជាខេត្តដើមប្រភពទន្លេគឺវឡុង ផ្ទៃដីផលិតកសិកម្មស្មើជិត ៨០% ក្នុងចំណោមផ្ទៃដីធម្មជាតិជាសរុបរបស់ខេត្ត ៣៥៣.៧០០ហិកតា។ ជាមួយនឹងប្រជាសាស្ត្រជាង ១,៩ លាននាក់ (ធំជាងគេនៅតំបន់វាលទំនាបទន្លេគឺវឡុង) ប៉ុន្តែច្រើនជាង ៦៨,៤% រស់នៅក្នុងតំបន់ជនបទ។ ជនជាតិភាគតិចមានចំនួន ៥,១៧% (ភាគច្រើនជាជនជាតិភាគតិចខ្មែរ និងចាម) ការខិតខំប្រឹងប្រែងកសាងជនបទថ្មីមានអត្ថន័យជាក់ស្តែងក្នុងការអភិវឌ្ឍន៍សេដ្ឋកិច្ចជនបទ លើកកម្ពស់ជីវភាពសម្ភារៈ និងស្មារតីរបស់ប្រជាជន។
លោក ផាម ថៃប៊ិញ អនុប្រធានការិយាល័យសម្របសម្រួលជនបទថ្មីខេត្ត បាននិយាយថា នៅពេលចាប់ផ្តើមផ្សព្វផ្សាយកសាង ជនបទថ្មី (ឆ្នាំ ២០១១) ចំណុចចាប់ផ្តើមរបស់ខេត្តអានយ៉ាង មានកម្រិតទាប ដោយមានឃុំជាង ៩០% (១០៨/១១៩ឃុំ) សម្រេចបានក្រោម ៥ លក្ខណៈវិនិច្ឆ័យ លក្ខណៈថវិការដ្ឋ និង ការកៀរគរធនធានសង្គមនៅជួបការលំបាកច្រើន។ ទោះបីជាយ៉ាងណាក៏ដោយ ដោយសារការខិតខំប្រឹងប្រែងជាច្រើន រហូតមកដល់ពេលនេះ ខេត្តទាំងមូលមានឃុំចំនួន ៧៦/១១០សម្រេចបាននិយាមជនបទថ្មី (អត្រាស្មើ៦៩,០៩%) ជាមធ្យម ១៧លក្ខណៈវិនិច្ឆ័យ/ឃុំ ឃុំជនបទថ្មីលើកកម្ពស់ចំនួន ៣៤ ឃុំជនបទគំរូចំនួន ២ ភូមិចំនួន ១៤ នៅតាមឃុំជាប់ព្រំដែន និងឃុំលំបាក សម្រេចបានភូមិ ជនបទថ្មី។
ចំពោះថ្នាក់ស្រុក ទីក្រុង ចូវដុក និងទីក្រុង ឡុងស្វៀន បានបញ្ចប់ភារកិច្ចកសាងជនបទថ្មី។ ស្រុក ថ្វយសឺនទើបតែទទួលបានស្រុកជនបទថ្មីលើកកម្ពស់។ខេត្តបានកំណត់គោលដៅដល់ឆ្នាំ២០២៥ នឹងមានអង្គភាពថ្នាក់ស្រុកចំនួន៣បន្ថែមទៀតសម្រេចនិយាមជនបទថ្មីឬក៏បញ្ចប់ភារកិច្ចកសាងជនបទថ្មី។មកដល់បច្ចុប្បន្ន ស្រុក ចើម៉ើយ បានអនុវត្តសម្រេចបានលក្ខណៈវិនិច្ឆ័យ ៧/៩ និងសន្ទស្សន៍២៨/៣៦ ស្រុកចូវថាញ់សម្រេចបានលក្ខណៈវិនិច្ឆ័យ ៤/៩និងសន្ទស្សន៍ ២៧/៣៦។ ដោយឡែកទីរួមខេត្ត តាន់ចូវ បានកសាងផែនទីផ្លូវដល់ចុងឆ្នាំ ២០២៤និងឃុំសម្រេចបានលក្ខណៈវិនិច្ឆ័យជនជនបទថ្មី ១០០% (មានឃុំជនបទថ្មីលើកកម្ពស់ចំនួន ៣) និងសង្កាត់សម្រេចបាននិយាមទីក្រុងអារ្យធម៌ ហើយឆាប់បញ្ចប់ភារកិច្ចកសាងជនបទថ្មី។
|
បន្ទាប់ពីរយៈពេល ១៣ ឆ្នាំផ្សព្វផ្សាយអនុវត្តការកសាងជនបទថ្មី អានយ៉ាងទទួលបានលទ្ធផលល្អឥតខ្ចោះ កាន់តែស៊ីជម្រៅពីមួយថ្ងៃទៅមួយថ្ងៃ ជាមួយនឹងសញ្ញាច្បាស់លាស់ជាច្រើន បង្កើតជាមុខមាត់តំបន់ជនបទថ្មីធំទូលាយ កាត់បន្ថយគម្លាតរវាងតំបន់ជនបទ និងទីក្រុង។សោភ័ណ្ឌភាពបរិស្ថានបៃតង - ជ្រះ -ស្អាតបានការពារនិងកែលម្អ។ បណ្តាគុណតម្លៃវប្បធម៌ពិសេសបានអភិរក្ស និងពង្រីកតម្លៃ៕ |
ប្រែ៖ ណារីពៅ
