នារសៀលថ្ងៃទី១២ ខែកញ្ញា នៅផ្ទះសំណាក់របស់ខុទ្ទកាល័យគណៈកម្មាធិការប្រជាជនខេត្តអានយ៉ាង បានប្រព្រិត្តទៅនៅសិក្ខាសាលា “តភ្ជាប់ដើម្បីជំរុញការផ្តើមអាជីព និងផ្តើមអាជីពផ្លាស់ថ្មីច្នៃប្រឌិតដោយប្រសិទ្ធភាព”។
ទិដ្ឋភាពសន្និបាត
ថ្នាក់ដឹកនាំធ្វើអធិបតីភាពសន្និបាត
អញ្ជើញចូលរួមមានលោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត។ លោកស្រី ង្វៀនធីធឿងលិញ នាយករងនៃសហព័ន្ធពាណិជ្ជកម្ម និងឧស្សាហកម្មវៀតណាមសាខាតំបន់វាលទំនាបទន្លេគឺវឡុង។ លោក ផាមមិញតាំ ប្រធានមន្ទីរផែនការ និងវិនិយោគ រួមជាមួយនឹងសមាជិកបណ្តាញ ផ្តើមអាជីវកម្មតំបន់វាលទំនាបទន្លេគឺវឡុង ថ្នាក់ដឹកនាំមន្ទីរ គណ ផ្នែកខេត្ត។ គណកម្មាធិការប្រជាជនស្រុក ទីរួមខេត្ត ក្រុង សហគមន៍ផ្តើមអាជីព និងយុវជនផ្តើមអាជីព។
នេះជាព្រឹត្តិការណ៍ដំបូងក្នុងខ្សែចង្វាក់ព្រឹត្តិការណ៍ស្តីពីការផ្តើមអាជីវកម្ម “តភ្ជាប់ជំរុញខ្លាំងការផ្ដើមអាជីពនិងផ្តើមអាជីពផ្លាស់ថ្មីច្នៃប្រឌិតខេត្តអានយ៉ាង” ដែលអាស្រ័យដោយខេត្ត អានយ៉ាងសហការជាមួយនឹងសហព័ន្ធពាណិជ្ជកម្ម និងឧស្សាហកម្មវៀតណាមសាខាតំបន់វាលទំនាបទន្លេគឺវឡុងរៀបចំឡើង។
រយៈពេលកន្លងទៅនេះ ការអនុវត្តតាមកាណែនាំរបស់រដ្ឋាភិបាលក្នុងការអភិវឌ្ឍន៍ប្រព័ន្ធអេកូឡូស៊ីផ្តើមអាជីព ដូចជាគម្រោង ៨៤៤ “គាំទ្រប្រព័ន្ធអេកូឡូស៊ីផ្លាស់ថ្មីច្នៃប្រឌិតជាតិដល់ឆ្នាំ ២០២៥"។ គម្រោង ៩៣៩ “គាំទ្រនារីផ្ដើមអាជីពដំណាក់កាល ២០១៧ - ២០២៥" និងគម្រោង ១៦៦៥ “គាំទ្រសិស្សនិស្សិតផ្តើមអាជីពរហូតដល់ឆ្នាំ ២០២៥” ។
គណៈកម្មាធិការប្រជាជនខេត្ត អានយ៉ាង បានយកចិត្តទុកដាក់ជាពិសេសដល់ការងារជួយដល់ការផ្ដើមអាជីព តាមរយៈវត្តមានរបស់ការផ្ដើមអាជីពក្នុងចំណោមសន្ទស្សន៍អភិវឌ្ឍន៍សេដ្ឋកិច្ច-សង្គមរបស់ខេត្ត អានយ៉ាង បានញ៉ាំងឲ្យការផ្តើមអាជីពគឺជាសកម្មភាពមួយក្នុងចំណោមសកម្មភាពមានសារៈសំខាន់ក្នុងការជំរុញកម្លាំងធុរជនថ្មី ថាមវន្ត គុណភាព និងច្នប្រឌិតជាដើមដោយវិធីចេញកម្មវិធី ឯកសារ ផែនការ ក៏ដូចជាការណែនាំ អនុវត្តសកម្មភាពផ្តើមអាជីវកម្មជាច្រើននៅក្នុងខេត្ត។
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត ថ្លែងមតិបើកសន្និបាត
ថ្លែងមតិបើកសន្និបាត លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត បានឲ្យដឹងថា នេះជាព្រឹត្តិការណ៍ដ៏សំខាន់មួយដើម្បីបំផុសគំនិត និងបង្កើតជាកម្លាំងចលករ ជំរុញបំណងប្រាថ្នាចង់ចាប់ផ្តើមអាជីព ផ្លាស់ថ្មីច្នៃប្រឌិតរបស់យុវជន នារី និងសហគមន៍ផ្តើមអាជីពលើភូមិសាស្ត្រខេត្ត។ តាមរយៈព្រឹត្តិការណ៍នេះ ខេត្ត អានយ៉ាង សង្ឃឹមថា ជាមួយនឹងបទពិសោធន៍ សមត្ថភាព និងភាពឆ្លាតវៃរបស់ខ្លួន អ្នកជំនាញការ អ្នកគ្រប់គ្រង សហគមន៍ផ្តើមអាជីពអាចផ្លាស់ប្តូរ ចែករំលែកការគិតថ្មី និងចក្ខុវិស័យថ្មី អំពីនិន្នាការ ដំណោះស្រាយបច្ចេកវិជ្ជាថ្មី និងបណ្តាផលិតផលនាពេលអនាគត។ នេះក៏ជា ឱកាសដ៏ល្អសម្រាប់ធុរកិច្ច អង្គការ និងបុគ្គលនានាក្នុង និងក្រៅខេត្តជំរុញខ្លាំងការផ្សព្វផ្សាយផលិតផល/សេវាកម្មវិទ្យាសាស្រ្តបច្ចេកទេសនិងផលិតផលសំខាន់ៗ តភ្ជាប់ផលិតផលទៅដល់អ្នកប្រើប្រាស់ អ្នកវិទ្យាសាស្ត្រ អ្នកគ្រប់គ្រង សហគមន៍ធុរកិច្ចជាដើម ក៏ដូចជាគាំទ្រ ដល់ការអភិវឌ្ឍន៍ទីផ្សារវិទ្យាសាស្ត្រ និងបច្ចេកវិជ្ជា។
លោកស្រី ង្វៀនធីភឿងលិញ អនុប្រធានសហព័ន្ធពាណិជ្ជកម្ម និងឧស្សាហកម្មវៀតណាម - សាខាតំបន់វាលទំនាបទន្លេគឺវឡុង អនុប្រធានបណ្តាញផ្តើមអាជីពតំបន់វាលទំនាបទន្លេគឺវឡុង ថ្លែងមតិក្នុងសន្និបាត
នៅក្នុងសិក្ខាសាលា “ការតភ្ជាប់ជំរុញការផ្ដើមអាជីពផ្លាស់ថ្មីច្នៃប្រឌិតប្រសិទ្ធភាព” គណៈប្រតិភូបានដោះដូរ ចែករំលែក និងស្វែងរកមធ្យោបាយដ៏មានប្រសិទ្ធភាពសម្រាប់ជំរុញការផ្ដើមអាជីព និងផ្តើមអាជីពច្នៃប្រឌិតនៅតំបន់វាលទំនាបទន្លេគឺវឡុងនិយាយរួម និងខេត្តអានយ៉ាងនិយាយដោយឡែក តាមរយៈនោះអភិវឌ្ឍបរិយាកាសអាជីវកម្មផ្លាស់ថ្មីច្នៃប្រឌិត រួមចំណែកធ្វើឲ្យល្អឥតខ្ចោះ ប្រព័ន្ធអេកូឡូស៊ីនៃការផ្តើមអាជីពរបស់ខេត្ត បង្កើតបរិយាកាសល្អបំផុតសម្រាប់ធុរកិច្ចអភិវឌ្ឍន៍។ ចូលរួមក្នុងសិក្ខាសាលា មានវាគ្មិន ង្វៀនធីធឿងលិញ - អនុប្រធានសហព័ន្ធពាណិជ្ជកម្ម និងឧស្សាហកម្មវៀតណាម - សាខាតំបន់វាលទំនាបទន្លេគឺវឡុង អនុប្រធានបណ្តាញផ្តើមអាជីពតំបន់វាលទំនាបទន្លេគឺវឡុង។ លោកស្រី ង្វៀនធីគ្វៀន - អនុប្រធានប្រចាំការសមាគមនារីខេត្តអានយ៉ាង។ លោកបណ្ឌិត ង្វៀនហ៊ូវទ្រី - សកលវិទ្យាធិការរងនៃសកលវិទ្យាល័យអានយ៉ាង។ លោកវេជ្ជបណ្ឌិត វូមិញទូ - ស្ថាបនិក និងជានាយកក្រុមហ៊ុន ឯកបុគ្គលទទួលខុសត្រូវកម្រិត ពាណិជ្ជកម្ម-សេវាកម្ម។ លោក ហ្វិញកុងតាន់ នាយកក្រុមហ៊ុន ទទួលខុសត្រូវមានកម្រិត Websolife ។
ខ្សែចង្វាក់កម្មវិធីមានព្រឹត្តិការណ៍ចំនួន ៣ បានប្រព្រឹត្តទៅក្នុងរយៈពេល ០២ ថ្ងៃ ចាប់ពីថ្ងៃទី ១២ខែកញ្ញា ដល់ថ្ងៃទី ១៣ខែកញ្ញា ឆ្នាំ ២០២៤ រួមមាន៖ សិក្ខាសាលា “តភ្ជាប់ដើម្បីជំរុញការផ្តើមអាជីពនិងផ្តើមអាជីពផ្លាស់ថ្មីច្នៃប្រឌិតដោយប្រសិទ្ធភាព"។ប្រជុំសមាជិកបណ្តាញ ផ្តើមអាជីពតំបន់វាលទំនាបទន្លេគឺវឡុងលើកទី ១ ឆ្នាំ ២០២៤។ សិក្ខាសាលា “បណ្តាដំណោះស្រាយជំរុញខ្លាំងប្រព័ន្ធអេកូឡូស៊ីផ្តើមអាជីពខេត្តអានយ៉ាង”៕
ប្រែ៖ ណារីពៅ
