នៅថ្ងៃទី ២៤ កញ្ញា គណៈប្រតិភូមន្ទីរព័ត៌មាន និងទូរគមនាគមន៍ដឹកនាំដោយលោក ត្រាន់ទ្រុងហៀវ អនុប្រធានមន្ទីរព័ត៌មាន និងទូរគមនាគមន៍ បានជួបពិភាក្សាការងារជាមួយគណៈកម្មាធិការប្រជាជនទីក្រុង ចូវដុក ស្តីពីការត្រួតពិនិត្យស្ថានភាពអនុវត្តការផ្លាស់ប្តូរឌីជីថល និងធានា សន្តិសុខបណ្តាញព័ត៌មានក្នុងស្ថាប័នរដ្ឋនៅទីក្រុង ចូវដុក ឆ្នាំ ២០២៤។ ទទួលនិងធ្វើការជាមួយគណៈប្រតិភូមានលោក ត្រាន់ក្វុកទ្វឺន អនុប្រធានប្រចាំការគណៈកម្មាធិការប្រជាជនទីក្រុង ចូវដុក។
តាមរយៈនោះ គណៈប្រតិភូបានទៅត្រួតពិនិត្យជាក់ស្តែងនៅច្រកចេញចូលតែមួយរបស់ទីក្រុងនិងសង្កាត់ចូវភូអា អំពីការអនុវត្តការផ្លាស់ប្តូរឌីជីថលក្នុងការដោះស្រាយនីតិវិធីរដ្ឋបាល និងធានាសុវត្ថិភាពព័ត៌មានបណ្តាញសម្រាប់កុំព្យូទ័រដែលបំពាក់នៅផ្នែកច្រកចេញចូលតែមួយ។
ឆ្នាំ 2024 ការងារផ្លាស់ប្តូរឌីជីថលនៅទីក្រុងចូវដុកបន្តបានរៀបចំ និងណែនាំអនុវត្តយ៉ាងខ្លាំងក្លា ប្រព័ន្ធព័ត៌មានដោះស្រាយនីតិវិធីរដ្ឋបាលបានរក្សាសកម្មភាពដោយស្ថិរភាព។ គិតដល់ថ្ងៃទី ៣០ ខែសីហា ឆ្នាំ ២០២៤ គេហទំព័រសេវាសាធារណៈអនឡាញរបស់ទីក្រុងបានផ្តល់សេវាកម្មជាសរុបចំនួន ៥៣៩ សេវា។ក្នុងនោះ កម្រិត ៣៖ ១១៩ សេវា។ កម្រិត ៤៖ ១៥៤ សេវា។ចំនួនឯកសារទទួលមួយផ្នែក និងទាំងស្រុងតាមអនឡាញប្រមាណ៖ ១៧.៩៩៥ ច្បាប់ សម្រេចបាន ៩៥%។ ក្នុងនោះ ទទួលតាមអនឡាញមួយផ្នែក៖ មានឯកសារ ៨.៨៤៥ ច្បាប់ សម្រេចបាន ៤៧% និងតាមអនឡាញទាំងស្រុង៖ មានឯកសារចំនួន ៩.១៥០ ច្បាប់ សម្រេចបាន ៤៨%។ អត្រាឯកសារទទួលបាននិងធ្វើបច្ចុប្បន្នភាព ដោះស្រាយលើកម្មវិធីអេឡិចត្រូនិកច្រកទ្វារមួយអេឡិចត្រូនិក ១៨.៣៦១ ច្បាប់ សម្រេចបាន ៩៥,៧៥%។ទទួលនិងសងលទ្ឋផលតាមរយៈសេវាប្រៃសណីយ៍សាធារណៈ៖ មានឯកសារចំនួន ១០.៦៩២ ច្បាប់។
កម្មាភិបាល រដ្ឋការ បុគ្គលិកនិយោជិត និងកម្មករទាំង ១០០%នៅក្នុងស្ថាប័នរដ្ឋបានផ្សព្វផ្សាយ និងធ្វើបច្ចុប្បន្នភាពចំណេះដឹងអំពីសុវត្ថិភាព និងសន្តិសុខព័ត៌មាន។សាលារៀនទាំង ១០០%នៅក្នុងភូមិសាស្ត្រទីក្រុងសុទ្ឋតែផ្សព្វផ្សាយរួចរាល់នូវដំណោះស្រាយសមកាលពេញលេញនៃ ប្រព័ន្ធអេកូអប់រំឆ្លាតវៃ vnEdu ៤.០ ដូចជា ថ្នាក់រៀនឆ្លាតវៃ កាតសិស្សឆ្លាតវៃ សៀវភៅទំនាក់ទំនងមាតាបីតាសិស្សអេឡិចត្រូនិក vnEdu និងកំណត់ទីតាំងសិស្ស VNPT KidZonជាដើម។ ទីក្រុង ក៏បាន ផ្សព្វផ្សាយអនុវត្តមានប្រសិទ្ធភាពទម្រង់ក្រុមបច្ចេកវិជ្ជាឌីជីថលសហគមន៍និងប្រព័ន្ឋទូទាត់មិនប្រើសាច់ប្រាក់ផងដែរ។
នៅក្នុងកិច្ចប្រជុំនេះ គណប្រតិភូត្រួតពិនិត្យបានមានមតិមួយចំនួនលើការធានាសុវត្ថិភាពព័ត៌មានបណ្តាញ ចាំបាច់ត្រូវតែមានការដំឡើងកម្មវិធីរក្សាសិទ្ធិ កំចាត់មេរោគ និងប្រឆាំងនឹងមេរោគជាដើម ដើម្បីលើកកម្ពស់ការយល់ដឹងរបស់កម្មាភិបាល រដ្ឋការម្នាក់ៗ និងធានាសុវត្ថិភាពប្រព័ន្ធព័ត៌មានទៅតាមកម្រិត។ បង្កើនការឃោសនាអំពីយុទ្ធនាការបច្ចេកវិជ្ជាឌីជីថលសហគមន៍ ជាមួយនឹងបាវចនា “ទៅគ្រប់ច្រកល្ហក គ្រប់ផ្ទះ ណែនាំប្រជាជនប្រើប្រាស់សេវាកម្ម និងកម្មវិធីនានា ដើម្បីអភិវឌ្ឍសេដ្ឋកិច្ចឌីជីថល”។ ជំរុញខ្លាំងការងារទូរគមនាគមន៍ លើកកម្ពស់ការយល់ដឹង ជំនាញឌីជីថល បង្កើនការប្រាស្រ័យទាក់ទងជាមួយប្រជាជន និងធុរកិច្ច ដើម្បីកសាងរដ្ឋបាលក្រុងឲ្យកាន់តែជំនាញ ទំនើប ឆ្ពោះទៅរកអាជ្ញាធរអេឡិចត្រូនិកនិងអាជ្ញាធរឌីជីថល៕
ប្រែ៖ ណារីពៅ
