ព្រឹកថ្ងៃទី ២៦ ខែកញ្ញា សមាគមកសិករទីក្រុង ឡុងស្វៀន បានរៀបចំមហាសន្និបាតលើកសរសើរកសិករផលិតកម្ម អាជីវកម្មពូកែនៅទីក្រុងឡុងស្វៀនលើកទី ១១ ដំណាក់កាល ២០២២-២០២៤។ លោក វ៉ជីហុង អនុប្រធានសមាគមកសិករខេត្ត អានយ៉ាង។ លោក វ៉ធៀនហាវ អនុលេខាប្រចាំការបក្ខភាគទីក្រុង ប្រធានក្រុមប្រឹក្សាប្រជាជនទីក្រុងឡុងស្វៀន។លោកស្រី វ៉ធីស្វឺនគឺវ អនុប្រធានគណៈកម្មាធិការប្រជាជនទីក្រុងឡុងស្វៀន ជាមួយនឹងប្រតិភូកសិករពូកែចំនួន ១៥២រូបតំណាងឲ្យសមាជិកកសិករជាង ៤.០០០ រូបនៅក្នុងទីក្រុងទាំងមូលចូលរួមមហាសន្និបាត។
ដំណាក់កាលឆ្នាំ ២០២២-២០២៤ ចលនាកសិករផលិតកម្មអាជីវកម្មពូកែទីក្រុងអភិវឌ្ឍទាំងបរិមាណ និងគុណភាព។ ទីក្រុងទាំងមូលមានកសិករ ១០.៧១៩នាក់ និងសមូហភាពចំនួន ៥២ បានទទួលស្គាល់ផលិតកម្មអាជីវកម្មពូកែគ្រប់លំដាប់ថ្នាក់។ កសិករទីក្រុងបានអនុវត្តយ៉ាងសកម្មនូវបច្ចេកវិជ្ជាខ្ពស់ក្នុងផលិតកម្ម ដោយបំបែររចនាសម្ព័ន្ធដំណាំដាំដុះ និងសត្វចិញ្ជឹមយ៉ាងក្លាហានឲ្យសមស្របនឹងលក្ខណៈរបស់មូលដ្ឋាន។ តាមរយៈនោះ ទម្រង់ផលិតកម្មថ្មីមានប្រសិទ្ធភាពជាច្រើនបានលេចឡើង ឆ្លើយតបតម្រូវការអ្នកប្រើប្រាស់ ជួយកសិករបង្កើនប្រាក់ចំណូលដូចជា៖ ផលិតបន្លែសុវត្ថិភាពតាមទិសដៅ VietGAP។ កិច្ចសន្យាម៉ៅទិញស្រូវជប៉ុន។ ដាំនិងអាជីវកម្មផ្កាលម្អ។ ចិញ្ចឹមអន្ទង់តាមកម្មវិធី VietGAP។ ចិញ្ជឹមមច្ឆជាតិដោយទ្រង់ទ្រាយធំ។ អនុវត្តការបំបែរចនាស្រូវ ២-ដំណាំ ១ជាដើម។ ទម្រង់ផលិតកម្មជាច្រើនសម្រេចបានរាប់ពាន់លានដុង/ឆ្នាំ (កើន ១៨% បើធៀបនឹងមហាសន្និបាតមុន)។ចំនួនគ្រួសារមានប្រាក់ចំណូលជាង ៣០០ លានដុងក្នុងមួយឆ្នាំឡើងទៅ បានកើនឡើង ២៤%។
មិនត្រឹមតែពូកែខាងផលិតកម្ម អាជីវកម្មប៉ុណ្ណោះទេ សមាជិកកសិករទីក្រុងថែមទាំងពង្រីកនូវស្មារតី សាមគ្គីភាព ជួយគ្នាធ្វើមាន និងចូលរួមយ៉ាងសកម្មក្នុងសកម្មភាពសន្តិសុខសង្គមរបស់មូលដ្ឋាន លេចធ្លោគឺការចូលរួមចំណែកថវិកាសាងសង់ និងជួសជុលផ្ទះមហាសាមគ្គីចំនួន ៧ខ្នង សម្រាប់សមាជិកដែលមានការលំបាក។សាងសង់ស្ពានថ្មីចំនួន ៧។ចាក់ថ្មលើកកម្ពស់កំណាត់ផ្លូវចំនួន ៧ និងបូមខ្សាច់ស្តារព្រែកប្រឡាយនៅវាលស្រែចំនួន ១២ ជាដើម ដោយចំណាយថវិកាសរុបជាង ៥ ពាន់លានដុង និងជិត ៤ ពាន់ថ្ងៃពលកម្ម។
ក្នុងឱកាសនេះ គណៈកម្មាធិការប្រជាជនទីក្រុង ឡុងស្វៀន បានប្រគល់ប័ណ្ណសរសើរដល់សមូហភាពចំនួន ៤ និងបុគ្គលចំនួន ៣៦ ដែលមានស្នាដៃឆ្នើមក្នុងចលនាប្រឡងប្រណាំងកសិករផលិតកម្មអាជីវកម្មពូកែ ដំណាក់កាល ២០២២-២០២៤៕
ប្រែ៖ ណារីពៅ