ព្រឹកថ្ងៃទី២៤ ខែកញ្ញា សមាគមអតីតយុទ្ធជនខេត្តអានយ៉ាង បានរៀបចំមហាសន្និបាតប្រឡងប្រណាំងស្នេហាជាតិលើកទី៧ នៃ“អតីតយុទ្ធជនគំរូ” ដំណាក់កាល ២០១៩-២០២៤។ នេះជាអង្គភាពដំបូងគេនៃបណ្តុំប្រឡងប្រណាំងលេខ ១១ របស់សមាគមអតីតយុទ្ធជនវៀតណាមដែលរៀបចំមហាសន្និបាត។
លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង។ លោកឧត្តមសេនីយ៍ឯកបម្រុង ប៊ួយវ៉ាន់ហ្វួន អតីតសមាជិកគណៈកម្មាធិការមជ្ឈិមបក្ស អតីតអគ្គនាយករងនៃអគ្គនាយកដ្ឋាននយោបាយកងទ័ពប្រជាជនវៀតណាម។ថ្នាក់ដឹកនាំគណៈកម្មាធិការប្រជាជនខេត្ត និងគណៈកម្មាធិការរណសិរ្សមាតុភូមិវៀតណាមខេត្ត។ វិរភាពកងកម្លាំងប្រដាប់អាវុធ វិរភាពពលកម្មក្នុងសម័យផ្លាស់ថ្មី។ ថ្នាក់ដឹកនាំមន្ទីរ គណៈ ផ្នែកថ្នាក់ខេត្ត។ ថ្នាក់ដឹកនាំសមាគមអតីតយុទ្ធជនខេត្តគ្រប់អាណត្តិនិងប្រតិភូឆ្នើមជាង២០០នាក់ តំណាងឲ្យសមាជិកអតីតយុទ្ធជនជាង១២ពាន់នាក់នៅក្នុងខេត្តទាំងមូលចូលរួម។
ក្នុងរយៈពេល៥ឆ្នាំផ្សព្វផ្សាយចលនាប្រឡងប្រណាំង កម្មាភិបាលអតីតយុទ្ធជនខេត្តតែងតែជាគំរូដើរមុខគេក្នុងការកសាង និងការពារបក្ស អាជ្ញាធរ និងការពាររបបលទ្ឋិសង្គមនិយម។ ជ្រោងខ្ពស់អត្តចរិក “កងទ័ពលោកអ៊ំហូ”។ រួមមតិយោបល់ជាច្រើនទៅក្នុងការកសាងបក្ស អាជ្ញាធរ ឃ្លាំមើល និងត្រួតពិនិត្យការអនុវត្តគោលនយោបាយ ជាពិសេសគឺចំពោះវិស័យពាក់ព័ន្ឋដល់សន្តិសុខ ការពារជាតិ អភិវឌ្ឍន៍សេដ្ឋកិច្ចសង្គមផ្សារភ្ជាប់នឹងការរៀបចំប្រជាជនទាំងមូលការពារជាតិ និងជំហរប្រជាជនទាំងមូលការពារមាតុភូមិក្នុងសម័យថ្មី។
ចលនា “អតីតយុទ្ធជនគំរូ” រួមចំណែកដាស់អារម្មណ៍សមមិត្ត យុទ្ឋមិត្ត សាមគ្គីភាព ជួយគ្នាអភិវឌ្ឍសេដ្ឋកិច្ច និងកាត់បន្ថយភាពក្រីក្រ។ តាមរយៈនោះ មានសមាជិកអតីតយុទ្ធជនគំរូជាច្រើនបានបង្ហាញខ្លួន។ គ្រួសារសមាជិកគំរូជាច្រើនធ្វើសេដ្ឋកិច្ចពូកែ រកចំណូលបានពី៧០ទៅ១០០លានដុងក្នុងមួយឆ្នាំ។ អត្រាគ្រួសារក្រីក្រក្នុងសមាជិកថយចុះនៅត្រឹមតែ ០,២៨%។គ្រួសារមានជីវភាពធូរធារស្មើជាង ៤១%។ គ្រួសារសមាជិកជាច្រើនបានស្ម័គ្រចិត្តបរិច្ចាគដីដើម្បីសាងសង់ផ្លូវជនបទ និងសាលារៀន។ រួមចំណែកកសាងជនបទថ្មីនិងសាងសង់ផ្ទះយុទ្ឋមិត្តនៃក្តីស្រឡាញ់។
ថ្លែងមតិណែនាំមហាសន្និបាត លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត អាយ៉ាង បានស្នើឲ្យសមាគមគ្រប់លំដាប់ថ្នាក់ កម្មាភិបាល និងសមាជិកអតីតយុទ្ធជនបន្តអនុវត្តសារាចរណ៍ណែនាំលេខ ០៥-CT/TW របស់ការិយាល័យនយោបាយស្តីពី “ជំរុញខ្លាំងរៀនសូត្រនិងធ្វើតាមមនោគមវិជ្ជា សីលធម៌ និងរចនាបថហូជីមិញ”។ ផ្សព្វផ្សាយអនុវត្តផ្នែកទទម្លុះ “កសាងសមាគមនយោបាយ និងមនោគមវិជ្ជារឹងមាំ។កសាងអង្គការសមាគមមូលដ្ឋានរឹងមាំ និងកងជួរកម្មាភិបាលគ្រប់លំដាប់ថ្នាក់គំរូ” អាណត្តិឆ្នាំ ២០២២ - ២០២៧។ ផ្សារភ្ជាប់ចលនា “អតីតយុទ្ធជនគំរូ” ជាមួយចលនាប្រឡងប្រណាំង “ចលនាមហាជនប៉ិនប្រសប់” និង “ចលនាប៉ិនប្រសប់ក្នុងកសាងជនបទថ្មី”។ “កសាងជីវភាពវប្បធម៌នៅមណ្ឌលភូមិករ” និង “បទប្បញ្ញត្តិប្រជាធិបតេយ្យនៅមូលដ្ឋាន”។ បង្កើនសហការជាមួយសម្ព័ន្ឋយុវជនខេត្តក្នុងទម្រង់ចម្រុះ និងសមស្របជាច្រើន ដើម្បីអប់រំស្មារតីស្នេហាជាតិ និងប្រពៃណីបដិវត្តន៍ដល់យុវជន ចាត់ទុកនេះជាភារកិច្ចសំខាន់មួយរបស់សមាគមនាពេលបច្ចុប្បន្ន និងយូរអង្វែង។
ក្នុងឱកាសនេះ គណៈកម្មាធិការប្រជាជនខេត្តបានប្រគល់ប័ណ្ណសរសើរដល់សមូហភាពចំនួន៧ និងបុគ្គលចំនួន ១១នាក់។ សមាគមអតីតយុទ្ធជនខេត្តផ្តល់រង្វាន់ដល់សមូហភាពចំនួន២០ និងបុគ្គលចំនួន៤១រូប ដែលមានស្នាដៃឆ្នើមក្នុងការអនុវត្តចលនាប្រឡងប្រណាំង ដំណាក់កាល ២០១៩-២០២៤។
មហាសន្និបាតបំផុសចលនាប្រឡងប្រណាំងដំណាក់កាល ២០២៤ - ២០២៩។ ប្រកាសបញ្ជីរាយនាមគណៈប្រតិភូចូលរួមមហាសន្និបាតលើកទី៧ របស់មជ្ឈិមសមាគមអតីតយុទ្ធជនវៀត ណាម (រួមមានប្រតិភូពេញសិទ្ឋ៥រូប និងប្រតិភូបម្រុង១រូប)៕
ប្រែ៖ ណារីពៅ