រសៀលថ្ងៃទី២៥ ខែកញ្ញា នាយកដ្ឋានពន្ធដារខេត្តអានយ៉ាង បានរៀបចំពិធីប្រកាសសេចក្តីសម្រេចចិត្តរបស់អគ្គនាយកដ្ឋានពន្ធដារលើការងារកម្មាភិបាល។ លោកម៉ៃសឺនអគ្គនាយករងនៃនាយកដ្ឋានពន្ធដារ។ លោក ង៉ោហុងអៀន សមាជិកគណៈអចិន្ត្រៃយ៍បក្ខភាគខេត្ត ប្រធានគណៈចាត់តាំងបក្ខភាគអានយ៉ាង។ លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង។ លោក ត្រាន់ថាញ់ញ៉ា លេខាបក្ខភាគផែនស្ថាប័ននិងធុរកិច្ចខេត្តអញ្ជើញចូលរួមក្នុងពិធី។
លោក ត្រាន់ថាញ់ញ៉ា លេខាបក្ខភាគផែនស្ថាប័ន និងធុរកិច្ចខេត្ត និងលោក ង៉ោហុងអៀន សមាជិកគណៈអចិន្ត្រៃយ៍បក្ខភាគខេត្ត ប្រធានគណៈចាត់តាំងបក្ខភាគខេត្តអានយ៉ាង ជូនផ្កានិងប្រគល់សេចក្តីសម្រេចអនុម័តលេខាបក្ខភាគនៃនាយកដ្ឋានពន្ធដារខេត្តអានយ៉ាងអាណត្តិ ២០២០ - ២០២៥ សម្រាប់លោក ង្វៀនទ្រីយុង
នៅក្នុងពិធីនេះ តំណាងអគ្គនាយកដ្ឋានពន្ធដារបានប្រកាសសេចក្តីសម្រេចលេខ ១៣៨០/QD-TCT ចុះថ្ងៃទី ២៤ ខែកញ្ញា ឆ្នាំ ២០២៤ របស់អគ្គនាយកដ្ឋានពន្ធដារ ស្តីពីការតែងតាំងលោក ង្វៀនទ្រីយុង អនុប្រធាននាយកដ្ឋានពន្ធដារខេត្ត អានយ៉ាង កាន់តំណែង ប្រធាននាយកដ្ឋានពន្ធដារខេត្តអានយ៉ាង។ តំណាងបក្ខភាគផែនស្ថាប័ននិងធុរកិច្ចខេត្តអានយ៉ាង បានប្រកាសសេចក្តីសម្រេចរបស់បក្ខភាគផែនស្ថាប័ន និងធុរកិច្ចអនុម័តលេខាបក្ខភាគនៃនាយកដ្ឋានពន្ធដារខេត្តអានយ៉ាង សម្រាប់អាណត្តិ ២០២០ - ២០២៥ ចំពោះលោក ង្វៀនទ្រីយុង។
ថ្លែងមតិនៅក្នុងពិធី លោក មៃសឺន អគ្គនាយករងពន្ធដារ បានវាយតម្លៃខ្ពស់ចំពោះសមត្ថភាព និងភារទទួលខុសត្រូវរបស់លោក ង្វៀនទ្រីយុង និង សមូហភាពថ្នាក់ដឹកនាំនៃ នាយកដ្ឋានពន្ធដារខេត្តអានយ៉ាង ក្នុងការប្រតិបត្តិអនុវត្តភារកិច្ចការងារពន្ធនាពេលកន្លង។ តាមរយៈនោះ សង្ឃឹមថា លោក ង្វៀនទ្រីយុង ប្រធាននាយកដ្ឋានពន្ធដារខេត្តអានយ៉ាង នឹងបន្តពង្រីកស្មារតីសាមគ្គីភាព និងឯកភាពក្នុងបក្ខភាគ និងថ្នាក់ដឹកនាំនាយកដ្ឋានពន្ធដារខេត្តអានយ៉ាង អនុវត្តភារកិច្ចដែលបានប្រគល់ជូនបានល្អ។
ទន្ទឹមនឹងនោះ ថ្នាក់ដឹកនាំនាយកដ្ឋានពន្ធដារខេត្តអានយ៉ាង បានមានទំនាក់ទំនងយ៉ាងជិតស្និទ្ធ និងទៀងទាត់ក្នុងផ្នែក និងក្នុងអាជ្ញាធរមូលដ្ឋានគ្រប់លំដាប់ថ្នាក់ ដើម្បីបន្តបំពេញភារកិច្ចពន្ធដារនៃខ្លួនឲ្យបានល្អនៅឆ្នាំ ២០២៤ និងឆ្នាំបន្តបន្ទាប់ទៀត៕
ប្រែ៖ ណារីពៅ
