នៅថ្ងៃទី ២០ កញ្ញា លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង បានដឹកនាំគណៈប្រតិភូធ្វើការត្រួតពិនិត្យលទ្ធផលការងារបង្ការ ទប់ស្កាត់ឧក្រិដ្ឋកម្ម ទប់ស្កាត់រត់ពន្ធ គៃបន្លំពាណិជ្ជកម្ម និងទំនិញក្លែងក្លាយរបស់គណកម្មការណែនាំលេខ ១៣៨ និងគណៈកម្មការ លេខ ៣៨៩ ទីរួមខេត្តទិញបៀន។
តាមរយៈការត្រួតពិនិត្យជាក់ស្តែងឯកសារ ក្រុមការងារបានវាយតម្លៃខ្ពស់ចំពោះលទ្ធផលដែលសម្រេចបានរបស់គណៈកម្មការណែនាំលេខ ១៣៨ និងគណៈកម្មការណែនាំ ៣៨៩ ទីរួមខេត្តទិញបៀន សម្រេចបានក្នុងការអនុវត្តកម្មវិធី និងផែនការបង្ការ ទប់ស្កាត់ឧក្រិដ្ឋកម្ម។ បង្ការទប់ស្កាត់ការរត់ពន្ធ គៃបន្លំពាណិជ្ជកម្ម និងទំនិញក្លែងក្លាយ ជាមូលដ្ឋានបម្រើឲ្យបានល្អការងារគ្រប់គ្រងភូមិសាស្ត្រ មុខសញ្ញា មិនទុកឲ្យកើតឡើងនិងក្លាយជាកន្លែងជួបជុំដ៏ស្មុគស្មាញ រួមចំណែកធានាសន្តិសុខសណ្តាប់ធ្នាប់ លើកកម្ពស់ជីវភាពរស់នៅ សម្ភារៈ និងស្មារតីរបស់ប្រជាជន។
ថ្លែងមតិបញ្ចប់នៃកិច្ចប្រជុំ លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត បានតម្រូវឲ្យគណៈកម្មការណែនាំលេខ ៨៩ និងគណៈកម្មការណែនាំលេខ ១៣៨ ទីរួមខេត្តទិញបៀន បន្តផ្តោតជម្នះលើចំណុចខ្វះខាត និងដែនកំណត់ ហើយពង្រីកនូវគុណសម្បត្តិ ដាក់ចេញដំណោះស្រាយអនុវត្តកាន់តែមានប្រសិទ្ធភាពក្នុងការបង្ការទប់ស្កាត់ឧក្រិដ្ឋកម្ម និងបង្ការទប់ស្កាត់ការរត់ពន្ធ គៃបន្លំពាណិជ្ជកម្ម និងទំនិញក្លែងក្លាយ។
ជាក់ស្តែង បន្តអនុវត្តមានប្រសិទ្ធភាពផែនការ ៥០/KH-UBND របស់គណៈកម្មាធិការប្រជាជនខេត្ត ស្តីពីការអនុវត្តសេចក្តីសន្និដ្ឋានលេខ ១៣-KL/TW នៃការិយាល័យនយោបាយ ស្តីពីការបន្តអនុវត្តសេចក្តីណែនាំលេខ ៤៨-CT/TW របស់ការិយាល័យនយោបាយ(លើកទី១០)ស្តីពីការបង្កើនការដឹកនាំរបស់បក្សចំពោះការងារបង្ការទប់ស្កាត់ឧក្រិដ្ឋកម្មក្នុងស្ថានភាពថ្មី និងយុទ្ធសាស្ត្រជាតិបង្ការទប់ស្កាត់ឧក្រិដ្ឋកម្ម ដំណាក់កាល ២០១៦ - ២០២៥ និងតម្រង់ទិសដល់ឆ្នាំ ២០៣០។
ទន្ទឹមនឹងនោះ ត្រូវរៀបចំអនុវត្តឲ្យបានហ្មត់ចត់ តឹងរ៉ឹង និងមានប្រសិទ្ធភាព នូវការណែនាំរបស់នាយករដ្ឋមន្ត្រីរដ្ឋាភិបាល គណៈកម្មការណែនាំលេខ ១៣៨/ CPរបស់រដ្ឋាភិបាលនិងគណៈកម្មការជាតិ លេខ៣៨៩ ស្តីពីការទប់ស្កាត់ឧក្រិដ្ឋកម្ម រត់ពន្ធ គៃបន្លំពាណិជ្ជកម្ម និងទំនិញក្លែងក្លាយ។ បង្កើនអធិការកិច្ច និងត្រួតពិនិត្យកិច្ចការសាធារណៈ រួមចំណែកបង្ការទប់ស្កាត់ការរំលោភបំពានឲ្យបានទាន់ពេល ពីចម្ងាយ ប្តេជ្ញាទប់ស្កាត់ ដោះស្រាយស្ថានភាពពុករលួយ អវិជ្ជមាន បិទបាំង និងជួយដល់ឧក្រិដ្ឋកម្ម។
ផ្លាស់ថ្មីតយ៉ាងសកម្មនូវខ្លឹមសារ ទម្រង់បែបបទ និងវិធីសាស្រ្តឃោសនា ដើម្បីកៀរគរគ្រប់កម្រិត គ្រប់វិស័យ អង្គការមហាជន ប្រជាជនចូលរួម។ បង្កើនការងារគ្រប់គ្រងរដ្ឋ អំពីសន្តិសុខសណ្តាប់ធ្នាប់លើគ្រប់វិស័យ ក្នុងខណដែលទីរួមខេត្តទិញបៀន ជាអង្គភាពរដ្ឋបាលជាប់ព្រំដែនប្រទេសមិត្ត មានតំបន់ច្រកទ្វារអន្តរជាតិ ជាមួយនឹងសកម្មភាពទំនាក់ទំនងពាណិជ្ជកម្ម ទំនិញ និងកសិផលរបស់ប្រជាជននៅសងខាងព្រំដែនមានភាពរស់រវើក៕
ប្រែ៖ ណារីពៅ