ព្រឹកថ្ងៃទី១៥ ខែសីហា គណឃោសនាអប់រំបក្ខភាគខេត្តអានយ៉ាង បានធ្វើអធិបតីភាពសហការជាមួយគណៈកម្មាធិការប្រជាជនខេត្ត រៀបចំកិច្ចប្រជុំការងារជាមួយក្រុមការងារអន្តរផ្នែកនៃគណឃោសនាអប់រំមជ្ឈិម ដឹកនាំដោយលោក ឡេតាន់យុង អនុរដ្ឋមន្ត្រីក្រសួងពលកម្ម យុទ្ធជនពិការ និងសង្គមកិច្ច បានអញ្ជើញមក ស្ទង់មតិការអនុវត្តសេចក្តីសន្និដ្ឋានលេខ ៤៩-KL/TW នៃគណលេខាបក្សអាណត្តិទី ១២។ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង។ លោក ស្រី ង្វៀន ធីហុងឡន អនុប្រធានគណឃោសនាអប់រំបក្ខភាគខេត្តអានយ៉ាង ទទួលជួប និងធ្វើការជាមួយគណៈប្រតិភូ។
បន្ទាប់ពីរយៈពេល ៥ ឆ្នាំផ្សព្វផ្សាយអនុវត្តសេចក្តីសន្និដ្ឋានលេខ ៤៩-KL/TW ចុះថ្ងៃទី ១០ ខែឧសភា ឆ្នាំ ២០១៩ នៃគណលេខាបក្សលើកទី ១២ ស្តីពីការបន្តអនុវត្តសារាចរណែនាំលេខ ១១-CT/TW ចុះថ្ងៃទី ១៣ ខែមេសា ឆ្នាំ ២០០៧ របស់ការិយាល័យនយោបាយស្តីពីការបង្កើនការដឹកនាំរបស់បក្សចំពោះការងារលើកទឹកចិត្តការសិក្សា លើកទឹកចិត្តអ្នកមានទេពកោសល្យ និងកសាងសង្គមសិក្សា មកដល់បច្ចុប្បន្ននេះលើភូមិសាស្ត្រខេត្ត អានយ៉ាង ប្រព័ន្ធរៀបចំសមាគមលើកទឹកចិត្តការសិក្សាបានគ្របដណ្តប់ទូទាំងខេត្ត។ មូលនិធិលើកទឹកចិត្តការសិក្សាថ្នាក់ខេត្ត និងបណ្តាមូលដ្ឋានកាន់តែមានភាពចម្រុះពីមួយថ្ងៃទៅមួយថ្ងៃ។ ការងារចលនា គ្រប់គ្រង និងពិចារណាផ្តល់អាហារូបករណ៍ តែងតែបានធានាជាចំហរ តម្លាភាព មានការឃ្លាំមើលរបស់អាជ្ញាធរ និងអង្គការមហាជនគ្រប់លំដាប់ថ្នាក់។
គិតដោយឡែកនៅឆ្នាំ ២០២៣ ប្រាក់ចំណូលជាសរុបពីប្រភពមូលនិធិលើកទឹកចិត្តការសិក្សា និងលើកទឹកចិត្តទេពកោសល្យក្នុងខេត្តទាំងមូល សម្រេចបាន ៧៦,២ ពាន់លានដុង (កើន ១១,៣៥ ពាន់លានដុងធៀបនឹងឆ្នាំ ២០២២)។ការចំណាយជាសរុបមានចំនួន ៧០,៦៩ ពាន់លានដុង (កើន ១៦,១៥ ពាន់លានដុងធៀបនឹងឆ្នាំ ២០២២)។អាស្រ័យហេតុនេះ បានជាមានសិស្សានុសិស្សនិងនិស្សិតជាច្រើនបានគាំទ្រនិងទទួលបានអត្ថប្រយោជន៍ពីមូលនិធិលើកតឹកចិត្តការសិក្សានិងលើកទឹកចិត្តអ្នកមានទេពកោសល្យ។
ភាពជោគជ័យក្នុងការងារលើកទឹកចិត្តការសិក្សា និងលើកទឹកចិត្តអ្នកមានទេពកោសល្យរបស់ខេត្តនាពេលកន្លងទៅនេះ បានជំរុញអភិវឌ្ឍន៍ចលនាសង្គមូបនីយកម្មក្នុងវិស័យអប់រំ ដោយមានទម្រង់ជាច្រើនដូចជា៖ “គ្រួសារសិក្សា”, “វង្សត្រកូលសិក្សា” “សហគមន៍សិក្សា” បានទទួលស្គាល់។ មានជាច្រើនគំរូមនុស្សល្អ ការងារល្អក្នុងចលនាលើកទឹកចិត្តការសិក្សា លើកទឹកចិត្តអ្នកមានទេពកោសល្យបានកោតសរសើរ និងបើកទូលាយ រួមចំណែកអនុវត្តមានប្រសិទ្ធភាពនូវគោលដៅ “អភិវឌ្ឍន៍អប់រំនិងបណ្តុះបណ្តាលផ្សារភ្ជាប់ជាមួយនឹងការលើកកម្ពស់គុណភាពប្រភពធនធានមនុស្ស ដើម្បីឆ្លើយតបតម្រូវការអភិវឌ្ឍន៍របស់ខេត្ត” ដែលលើកឡើងដោយសេចក្តីសម្រេចចិត្តមហាសន្និបាតបក្ខភាគខេត្តលើកទី១១ (អាណត្តិ២០២០ - ២០២៥)។
ទន្ទឹមនឹងនេះ ការងារសកលកម្មរអប់រំ និងលុបបំបាត់អនក្ខរកម្មក៏បង្កើនជាបណ្តើរស្តង់ដារសម្រេចបានជារៀងរាល់ឆ្នាំ។ ចាប់ពីឆ្នាំ ២០២១ ការងារសកលកម្មអប់រំមត្តេយ្យសិក្សាសម្រាប់កុមារអាយុ ៥ ឆ្នាំនិងសកលកម្មអប់រំបឋមសិក្សាគ្រប់អាយុនៅក្នុងខេត្តបានរក្សាទទួលបានកម្រិត ៣។ នៅឆ្នាំ ២០២២ ខេត្ត អានយ៉ាង ទាំងមូលសម្រេចបាន ស្តង់ដារអប់រំកម្រិតអនុវិទ្យាល័យឡើងកម្រិត ២។ នៅឆ្នាំ ២០២៣ មានស្រុក ទីរួមខេត្តនិងក្រុងជាច្រើនរបស់ខេត្តនឹងខិតខំយ៉ាងសកម្មក្នុងការលើកកម្ពស់ស្តង់ដារសកលកម្មអប់រំកម្រិតអនុវិទ្យាល័យឡើងកម្រិត ៣។
លោក ឡេតាន់យុង អនុរដ្ឋមន្ត្រីក្រសួងពលកម្មយុទ្ធជនពិការ និងសង្គមកិច្ច ថ្លែងមតិក្នុងកិច្ចប្រជុំការងារ
ថ្លែងមតិក្នុងជំនួបនេះ លោក ឡេតាន់យុង អនុរដ្ឋមន្ត្រីក្រសួងពលកម្ម យុទ្ធជនពិការ និងសង្គមកិច្ច បានឲ្យដឹងថា ខេត្តអានយ៉ាង បានមានសកម្មភាពយ៉ាងម្ចាស់ការនិងសកម្ម ក្នុងការផ្សព្វផ្សាយជ្រួតជ្រាបនូវសេចក្តីសន្និដ្ឋានលេខ ៤៩-KL/TW របស់គណលេខាបក្សអាណត្តិទី ១២ ដោយហេតុនេះ បានលើកកម្ពស់ការយល់ដឹងរបស់ទូទាំងប្រព័ន្ធនយោបាយ និងប្រជាជន ក៏ដូចជាលើកកម្ពស់តួនាទីស្នូលរបស់សមាគមលើកទឹកចិត្តការសិក្សាគ្រប់កម្រិតរបស់ខេត្តក្នុងការអនុវត្តការងារលើកទឹកចិត្តការសិក្សា លើកទឹកចិត្តទេពកោសល្យ កសាងសង្គមសិក្សា។
លោក ឡេតាន់យុង អនុរដ្ឋមន្ត្រីក្រសួងពលកម្ម យុទ្ធជនពិការ និងសង្គមកិច្ច បានសង្កត់ធ្ងន់ថា ក្រុមការងារអន្តរផ្នែករបស់គណឃោសនាអប់រំមជ្ឈិម នឹងទទួលយកមតិ យោបល់ សំណើរ ស្នើរបស់ខេត្ត ដើម្បីរាយការណ៍ជូនថ្នាក់មានសមត្ថកិច្ចពិចារណាដោះស្រាយការលំបាកនិងបញ្ហាទាក់ទិនក្នុងដំណើរការអនុវត្តសេចក្តីសន្និដ្ឋានលេខ ៤៩ KL/TW របស់គណលេខាបក្សអាណត្តិទី ១២៕
ប្រែ៖ ណារីពៅ
