ព្រឹកថ្ងៃទី ១៩ សីហា ក្រសួងអប់រំ និងបណ្តុះបណ្តាល បានរៀបចំសន្និបាតថ្នាក់ជាតិ (ផ្ទាល់ និងអនឡាញ) បូកសរុបឆ្នាំសិក្សា ២០២៣-២០២៤ និងផ្សព្វផ្សាយភារកិច្ចសម្រាប់ឆ្នាំសិក្សា ២០២៤ - ២០២៥។ លោកនាយករដ្ឋមន្ត្រីរដ្ឋាភិបាល ផាម មិញជីញ បានចូលរួម និងបានផ្តល់ការណែនាំ។ លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង អញ្ជើញជាអធិបតីនៅក្បាលបន្តខេត្តអានយ៉ាង។
គណៈប្រតិភូចូលរួមសន្និបាតនៅក្បាលបន្តខេត្តអានយ៉ាង
ថ្លែងសុន្ទរកថាបើកសន្និបាត លោក ង្វៀន គីមសឺន រដ្ឋមន្ត្រីក្រសួងអប់រំ និងបណ្តុះបណ្តាល បានឲ្យដឹងថា ឆ្នាំសិក្សា ២០២៤ - ២០២៥ គឺជាឆាំ្នចុងបញ្ចប់នៃអាណត្តិអនុវត្តសេចក្តីសម្រេចចិត្ត មហាសន្និបាតប្រតិភូទូទាំងប្រទេសលើកទី ១៣ របស់បក្ស។ សេចក្តីសម្រេចចិត្តរបស់រដ្ឋសភា ស្តីពីផែនការអភិវឌ្ឍន៍សេដ្ឋកិច្ចសង្គម ៥ឆ្នាំ ២០២១ - ២០២៥។ កម្មវិធីសកម្មភាពរបស់រដ្ឋាភិបាលអនុវត្តសេចក្តីសម្រេចចិត្តមហាសន្និបាតប្រតិភូទូទាំងប្រទេសលើកទី១៣ របស់បក្សនិងឆ្ពោះទៅមហាសន្និបាតបក្សគ្រប់លំដាប់ថ្នាក់។ នេះក៏ជាឆ្នាំសិក្សាដែលកម្មវិធីអប់រំទូទៅឆ្នាំ ២០១៨ បានផ្សព្វផ្សាយអនុវត្តនៅគ្រប់ថ្នាក់ចាប់ពីថ្នាក់ទី ១ ដល់ថ្នាក់ទី ១២។ ជាឆ្នាំសិក្សាដំបូងរៀបចំការប្រឡងសញ្ញាបត្រមធ្យមសិក្សាទុតិយភូមិ ស្របតាមកម្មវិធីអប់រំទូទៅ ឆ្នាំ២០១៨។
នៅក្នុងសន្និបាត គណៈប្រតិភូមកពីគណ ក្រសួង ផ្នែក និងមូលដ្ឋានបានផ្លាស់ប្តូរ បញ្ជាក់ច្បាស់អំពីបទពិសោធន៍ និងដំណោះស្រាយរៀបចំឆ្នាំសិក្សា ការលើកកម្ពស់គុណភាពបង្រៀន និងរៀននិង រៀបចំការប្រឡងសញ្ញាបត្រមធ្យមសិក្សាទុតិយភូមិឲ្យបានល្អ។ ទន្ទឹមនឹងនោះ ស្នើដល់រដ្ឋាភិបាល នាយករដ្ឋមន្ត្រីរដ្ឋាភិបាល បណ្តាក្រសួង ផ្នែក ស្តីពីបញ្ហាលំបាកជាដើម។
វាយតម្លៃខ្ពស់ចំពោះលទ្ធផលដែលសម្រេចបានរបស់ផ្នែកអប់រំ និងបណ្តុះបណ្តាល លោកនាយករដ្ឋមន្ត្រីរដ្ឋាភិបាល ផាម មិញជីញ បានសង្កត់ធ្ងន់ថា ដើម្បីរៀបចំលក្ខខណ្ឌសម្រាប់ឆ្នាំសិក្សាថ្មី ២០២៤-២០២៥ តម្រូវឲ្យក្រសួងអប់រំ និងបណ្តុះបណ្តាល សហការជាមួយក្រសួង ផ្នែក មូលដ្ឋានត្រៀមឲ្យបនាហ្មត់ចត់នូវលក្ខណៈសម្រាប់ឆាំ្នសិក្សាថ្មី អំពីមូលដ្ឋានសម្ភារៈ ធនធានមនុស្ស សៀវភៅសិក្សា សុវត្ថិភាពអនាម័យនិងបង្ការទប់ស្កាត់ជំងឺឆ្លង។ ត្រៀមរៀបចំពិធីបើកបវេសនកាលឆ្នាំសិក្សាធានាថាមានលក្ខណៈតូច តែឧឡារិក សមស្របតាមស្ថានភាពមូលដ្ឋាននីមួយៗ។
ពង្រឹងគុណភាពជួរគ្រូបង្រៀន សាស្ត្រាចារ្យ និងកម្មាភិបាលគ្រប់គ្រងអប់រំ ធានាថាគ្រប់ចំនួន លើកកម្ពស់គុណភាព ឆ្លើយតបតម្រូវការជាក់ស្តែង និងផ្លាស់ថ្មីជាមូលដ្ឋាន គ្រប់ជ្រុងជ្រោយនៃការអប់រំ និងបណ្តុះបណ្តាល។ ក្រសួងអប់រំនិងបណ្តុះបណ្តាល សហការជាមួយមូលដ្ឋាន រៀបចំផែនការ និងបែបផែនរៀបចំការប្រឡងសញ្ញាបត្រមធ្យមសិក្សាទុតិយភូមិឆ្នាំ ២០២៥ ស្របតាមកម្មវិធីអប់រំទូទៅ ឆ្នាំ២០១៨ ដោយស្មារតីសង្ខេប កាត់បន្ថយសម្ពាធដល់បេក្ខជន និងមាតាបិតា៕
ប្រែ៖ ណារីពៅ
