ព្រឹកថ្ងៃទី១៨ ខែសីហា លោក ផាមមិញជីញ នាយករដ្ឋមន្ត្រីរដ្ឋាភិបាល ប្រធានក្រុមប្រឹក្សាប្រកួតប្រជែងនិងលើកសរសើរមជ្ឈិមបានអញ្ជើញជាអធិបតីក្នុងពិធីបំផុសប្រកួតប្រជែងចំណុចកំពូល “៥០០ ថ្ងៃយប់ ប្រកួតប្រជែងដើម្បីបញ្ចប់ផ្លូវល្បឿនលឿន ៣.០០០ គីឡូម៉ែត្រ”។ ពិធីបំផុសបានធ្វើឡើងនៅក្នុងខេត្ត ដាក់ឡាក់ បានផ្សាយផ្ទាល់តាមប្រព័ន្ធអនឡាញជាមួយខេត្តក្រុងចំនួន ១៤ ក្រោមឱវ៉ាទមជ្ឈិមមានគម្រោងផ្លូវល្បឿនលឿនកំពុងផ្សព្វផ្សាយ។
គណៈប្រតិភូចូលរួមពិធីបំផុសនៅ ដាក់ឡាក់ - រូបថត៖ VGP
លោក ផាម មិញជីញ នាយករដ្ឋមន្ត្រីរដ្ឋាភិបាល បានចាប់ផ្តើមកម្មវិធីប្រកួតប្រជែងកំពូល “៥០០ ថ្ងៃយប់ប្រកួតប្រជែងបញ្ចប់ផ្លូវល្បឿនលឿន ៣.០០០ គីឡូម៉ែត្រ” - រូបថត: VGP
គណៈប្រតិភូចូលរួមនៅក្បាលបន្តខេត្ត អានយ៉ាង
ធ្វើជាអធិបតីនៅក្បាលបន្តខេត្តអានយ៉ាង
នៅចំណុចក្បាលបន្តខេត្ត អានយ៉ាង លោក ឡេ វ៉ាន់នឹង អនុលេខាបក្ខភាគខេត្ត ប្រធានក្រុមប្រឹក្សាប្រជាជនខេត្ត អានយ៉ាង។ លោក ឡេវ៉ានភឿក អនុប្រធានគណៈកម្មាធិការប្រជាជនខេត្ត អានយ៉ាង ធ្វើជាអធិបតី។ អញ្ជើញចូលរួមផងដែរ មានគណៈប្រចាំការ និងសមាជិកគណៈណែនាំផ្សព្វផ្សាយអនុវត្តគម្រោងផ្លូវល្បឿនលឿន ចូវដុក - គន្ឋ - សុកត្រាំង ផ្នែកឆ្លងកាត់ខេត្តអានយ៉ាង។ មន្ទីរផ្នែកពាក់ព័ន្ឋថ្នាក់ខេត្ត គណៈកម្មាធិការប្រជាជនស្រុកថ្វយសឺន ចូវថាញ់ ចូវភូ ទីក្រុងចូវដុកនិងអ្នកម៉ៅការសាងសង់កញ្ចប់លេខ ៤២ ៤៣ ៤៤ ៤៥ នៃគម្រោងសមាសភាគ ១។
នៅក្នុងពិធីបំផុស លោកនាយករដ្ឋមន្ត្រីរដ្ឋាភិបាល ផាមមិញជីញ បានស្នើបក្ខភាគគ្រប់លំដាប់ថ្នាក់ណែនាំឲ្យដិតដល់។ ប្រព័ន្ឋនយោបាយទាំងមូលត្រូវតែចូលរួម។ អាជ្ញាធរត្រូវតែធ្វើសកម្មភាពយ៉ាងខ្លាំងក្លា។ ទន្ទឹមនឹងនោះ កៀរគរប្រជាជន និងធុរកិច្ចទូទាំងប្រទេសឲ្យយល់ស្រប គាំទ្រ និងពង្រីកគំនិតផ្តួចផ្តើម ច្នៃប្រឌិត បត់បែន មានទំនួលខុសត្រូវចំពោះសហគមន៍សង្គម និងផ្តោតអនុវត្តបានល្អនូវគោលដៅ និងភារកិច្ចសំខាន់ៗ។
ក្នុងនោះ ក្រសួង គណ ផ្នែក និងមូលដ្ឋាន ត្រូវតែចូលរួមយ៉ាងពិតប្រាកដ ក្នុងការចាត់ ទុកនេះជាកិច្ចការនយោបាយសំខាន់ អនុវត្តខ្លាំងក្លា និងមានប្រសិទ្ធភាពចំពោះភារកិច្ចដែលបានប្រគល់ជូន។ ការគិតត្រូវច្បាស់លាស់ ការតាំងចិត្តត្រូវតែខ្ពស់ ការប្រឹងប្រែងត្រូវតែធំ ធ្វើសកម្មភាពត្រូវតែខ្លាំង មានចំណុចសំខាន់ ធ្វើការងារណាចប់ការងារហ្នឹង ចាត់ “ច្បាស់មនុស្ស ច្បាស់ការងារ ច្បាស់ពេលវេលា ច្បាស់ដំណើរការ ច្បាស់ទំនួលខុសត្រូវ ច្បាស់ផលិតផល ច្បាស់ប្រសិទ្ធភាព”។ ក្នុងរាល់ករណីលំបាក និងបញ្ហាទាក់ទិននានា កងកម្លាំងដែលចូលរួមក្នុងគម្រោងត្រូវរួមគ្នា “ពិភិក្សាធ្វើ មិនពិភាក្សាថយ” “មិនថាទេ មិនថាលំបាក” និងមិននិយាយថាធ្វើតែមិនធ្វើ”។ល។
ដើម្បីចូលរួមការប្រកួតប្រជែងចំណុចកំពូល ដែលលោកនាយករដ្ឋមន្ត្រីរដ្ឋាភិបាល ផាមមិញជីញ ប្រធានក្រុមប្រឹក្សាប្រកួតប្រជែង និងលើកសរសើរមជ្ឈិមបំផុស ថ្នាក់ដឹកនាំក្រសួងគមនាគមន៍ដឹកជញ្ជូនខេត្តដាក់ឡាក់ ក្រុមហ៊ុន សឺនហៃ តាងនាមបណ្តាប្រធានកម្មពាក់ព័ន្ធឡើងថ្លែងមតិ និងបញ្ជាក់ថាបណ្តាមន្ទីរផ្នែកនឹងបង្កើតកម្មវិធីសកម្មភាព ផែនការរៀបចំអនុវត្តយ៉ាងសកម្មនិង សហការយ៉ាងជិតស្និទ្ធ ស៊ីសង្វាក់គ្នា មានប្រសិទ្ធភាព ដោះស្រាយការលំបាក ឧបសគ្គនានាយ៉ាងសកម្ម ដើម្បីលើកកម្ពស់ការអនុវត្តគម្រោងផ្លូវល្បឿនលឿន។
ជាពិសេសដោះស្រាយឲ្យបានចប់នៅការងារឈូសឆាយផ្ទៃរាប ធានាប្រភពផ្គត់ផ្គង់សម្ភារៈ ផ្សព្វផ្សាយអនុវត្តរាល់ដំណោះស្រាយ ដើម្បីកាត់បន្ថយពេលវេលាសាងសង់ ធានាគុណភាពសំណង់ និងគម្រោងដែលបានបញ្ចប់ ដាក់ឲ្យដំណើរការផ្លូវល្បឿនលឿនមានប្រវែង ៣.០០០គីឡូម៉ែត្រមុនថ្ងៃទី ៣១ ខែធ្នូ ឆ្នាំ ២០២៥ ស្របតាមគោលដៅប្រកួតប្រជែងរបស់លោកនាយករដ្ឋមន្ត្រីរដ្ឋាភិបាលបំផុស៕
ប្រែ៖ ណារីពៅ
