នារសៀលថ្ងៃទី២៧ ខែមីនា នៅខេត្តកំពង់ឆ្នាំង លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានដឹកនាំគណៈប្រតិភូមកសួរសុខទុក្ខ និងជូនពរឆ្នាំថ្មីប្រពៃណីជាតិឆាំ្ន២០២៤ របស់ប្រជាជនកម្ពុជា (ព្រះរាជាណាចក្រកម្ពុជា)។ ឯកឧត្តម ស៊ិន សុវណ្ណារិទ្ធិ អភិបាលខេត្ត រួមជាមួយថ្នាក់ដឹកនាំមន្ទីរ ផ្នែកខេត្តកំពង់ឆ្នាំងបានទទួលគណៈប្រតិភូ ។
គណៈប្រតិភូខេត្ត អានយ៉ាង បានមកជូនពរឆ្នាំថ្មីប្រពៃណីជាតិខ្នែរឆ្នាំ ២០២៤ របស់ប្រជាជនកម្ពុជា នៅខេត្តកំពង់ឆ្នាំង
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង ជូនអំណោយដល់ថ្នាក់ដឹកនាំខេត្តកំពង់ឆ្នាំង
មន្ទីរ ផ្នែកខេត្តអានយ៉ាង ប្រគល់អំណោយជូនមន្ទីរ និងផ្នែកខេត្តកំពង់ឆ្នាំង
គណៈប្រតិភូខេត្ត អានយ៉ាង បានថតរូបអនុស្សាវរីយ៍ជាមួយថ្នាក់ដឹកនាំ និងមន្ត្រីរាជការខេត្តកំពង់ឆ្នាំង
តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការ រណសិរ្សមាតុភូមិ វៀតណាមខេត្ត និងប្រជាជនខេត្ត អានយ៉ាង លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត បានជូនពរឯកឧត្តម ស៊ិន សុវណ្ណារិទ្ឋិ ជាមួយក្រុម គ្រួសារ ថ្នាក់ដឹកនាំខេត្ត កងកម្លាំងប្រដាប់អាវុធ និង ប្រជាពលរដ្ឋទូទាំងខេត្តកំពង់ឆ្នាំងមានសុខភាពល្អ សុភមង្គល វិបុលសុខ និង ជោគជ័យក្នុងការងារ ។ ជូនពរអាជ្ញាធរខេត្តកំពង់ឆ្នាំង បន្តសម្រេចបាននូវ សមិទ្ធផលដ៏ធំធេងក្នុងការងារកសាង និងអភិវឌ្ឍន៍ មូលដ្ឋាន ។
ក្នុងស្មារតីមិត្តភាព ប្រពៃណី រវាងវៀតណាម និងកម្ពុជានិយាយរួម និងរវាងខេត្ត អានយ៉ាង និងខេត្តកំពង់ឆ្នាំងនិយាយដោយឡែក លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត សង្ឃឹមថា មូលដ្ឋានទាំងពីរនឹងបន្តលើកកម្ពស់ ទំនាក់ទំនងសហប្រតិបត្តិការល្អប្រសើលើវិស័យអប់រំ បណ្តុះបណ្តាល កីឡា វារីវប្បកម្មជាដើមនាពេលខាងមុខ៕
ប្រែ៖ ណារីពៅ
