រសៀលថ្ងៃទី២២ ខែកក្កដា លោក វ៉ី សំណាង អភិបាលខេត្តតាកែវ បានដឹកនាំគណៈប្រតិភូខេត្តតាកែវ (ព្រះរាជាណាចក្រកម្ពុជា) ចូលជួបសម្តែងការគួរសមជាមួយនឹងថ្នាក់ដឹកនាំគណៈកម្មាធិការប្រជាជនខេត្តអានយ៉ាង។ លោកស្រី ង្វៀន ធី មិញធ្វី អនុប្រធានគណៈកម្មាធិការប្រជាជនខេត្តអានយ៉ាង និងថ្នាក់ដឹកនាំមន្ទីរផ្នែកខេត្ត និងបណ្តាមូលដ្ឋានព្រំដែនបានទទួលជួប និងធ្វើការជាមួយគណៈប្រតិភូ។
ទិដ្ឋភាពនៃពិធីទទួលគណៈប្រតិភូខេត្តតាកែវ
សមាជិកគណៈប្រតិភូខេត្តតាកែវ
ថ្នាក់ដឹកនាំខេត្តអានយ៉ាង ទទួលជួបគណៈប្រតិភូខេត្តតាកែវ
ថ្នាក់ដឹកនាំខេត្តតាកែវ ជូនអំណោយ ថ្នាក់ដឹកនាំ ខេត្តអានយ៉ាង
ថ្នាក់ដឹកនាំ ខេត្តអានយ៉ាង ប្រគល់អំណោយជូន ថ្នាក់ដឹកនាំខេត្តតាកែវ
ប្រតិភូខេត្តអានយ៉ាង និងខេត្តតាកែវថតរូបអនុស្សាវរីយ៍
តាងនាមគណៈប្រតិភូ លោក វ៉ី សំណាង អភិបាលខេត្តតាកែវ បានថ្លែងអំណរគុណចំពោះថ្នាក់ដឹកនាំខេត្ត អានយ៉ាង ដែលបានស្វាគមន៍សមាជិកគណៈប្រតិភូ។ ទន្ទឹមនិងនោះ លោកសម្តែងនូវក្តីសប្បាយរីករាយ និងបញ្ជាក់ពីទំនាក់ទំនងជិតស្និទ្ធ មិត្តភាពអភិវឌ្ឍន៍រវាងខេត្តទាំងពីរ។ តាមរយៈនោះ សង្ឃឹមថា ខេត្តអានយ៉ាងនឹងបន្តសហការ ជួយដល់ខេត្តតាកែវក្នុងវិស័យកសិកម្ម អប់រំ សុខាភិបាលនិងវប្បធម៌ជាដើម។
តាងនាមថ្នាក់ដឹកនាំគណៈកម្មាធិការប្រជាជនខេត្ត លោកស្រី ង្វៀន ធី មិញធ្វី អនុប្រធានគណៈកម្មាធិការប្រជាជនខេត្តអានយ៉ាង បានសម្តែងនូវក្តីសោមនស្សរីករាយក្នុងការស្វាគមន៍ចំពោះលោក វ៉ី សំណាង អភិបាលខេត្តតាកែវ ដែលបានអញ្ជើញមកសួរសុខទុក្ខ និងសម្តែងការគួរសមជាមួយថ្នាក់ដឹកនាំខេត្តអានយ៉ាង ហើយអបអរសាទរចំពោះលោក វ៉ី សំណាង ដែលបានព្រះមហាក្សត្រ នៃព្រះរាជាណាចក្រកម្ពុជាតែងតាំងលោកឲ្យកាន់តំណែងជាអភិបាលខេត្តតាកែវ។
តាមរយៈនោះ ជឿជាក់ថា ក្នុងតួនាទីថ្មីរបស់ ឯកឧត្តម វ៉ី សំណាង នឹងបន្តដឹកនាំអាជ្ញធរ និងប្រជាជនខេត្តតាកែវ សម្រេចបាននូវសមិទ្ធផលកាន់តែច្រើន រឹតចំណងសាមគ្គីភាព មិត្តភាពជាប្រពៃណី ជំរុញការអភិវឌ្ឍន៍សេដ្ឋកិច្ចសង្គមកិច្ចរវាងខេត្តតាកែវ និងខេត្តអានយ៉ាង ដើម្បីរួមចំណែកកសាងផ្លូវព្រំដែនវៀតណាម-កម្ពុជាស្ថិរភាព សន្តិភាព សហប្រតិបត្តិការ និងអភិវឌ្ឍន៍ជាមួយគ្នា៕
ប្រែ៖ ណារីពៅ
